Job 19:1-29
19 Job i ansa i se:
2 “?Bambae yufala i gohed blong hambag long sol* blong mi kasem wetaem?+Yufala i stap spolem mi long ol toktok blong yufala.+
3 Ten taem finis yufala i stap tok strong* long mi,Yufala i no sem nating blong mekem i strong long mi.+
4 Mo sipos i tru se mi mekem wan mastik,Rong blong mi i stap long mi nomo.
5 Sipos yufala i stap leftemap yufala se yufala i gud moa long mi,Nao yufala i stap talem se ol strong tok we i kam agensem mi, oli stret nomo,
6 Ale, yufala i mas save se God ya i lidim mi mi gorong,Mo hem i kasem mi finis long net blong hem blong hanting.
7 !Yufala i luk! Mi stap singaot bigwan se, ‘!Mi kasem kil!’ be i no gat man i ansa long mi,+Mi stap krae blong man i halpem mi, be i no gat jastis.+
8 Hem i putum wan bigfala stonwol i blokem rod blong mi, nao mi no save pas.Hem i mekem tudak i kavremap gud ol rod blong mi.+
9 Hem i karemaot mi long glori* blong miMo hem i tekemaot hat blong king long hed blong mi.
10 Hem i brebrekemdaon mi long evri saed gogo mi lus,Mo i rutumaot hop blong mi olsem wan tri.
11 Kros blong hem we i olsem faea i kam agensem mi,Mo hem i luk mi olsem enemi blong hem.+
12 Ol soldia blong hem oli kam wanples mo oli blokem gud mi,Mo oli kamp raon long tent blong mi.
13 Hem i tekemaot ol stret brata blong mi oli go longwe long mi,Mo olgeta we oli save mi, oli tanem baksaed long mi, oli gowe finis.+
14 Ol gudfala fren* blong mi oli go finis,Mo olgeta we mi save gud olgeta, oli fogetem mi finis.+
15 Ol gest long haos blong mi,+ mo ol slef gel blong mi, oli tingbaot mi olsem wan strenja.Long ae blong olgeta, mi mi olsem wan man blong narafala kantri.
16 Mi singaot man blong wok blong mi, be hem i no ansa,Mo long maot blong mi, mi stap plis long hem blong i sore long mi.
17 Waef blong mi i no laekem nating win blong maot blong mi,+Mo ol brata blong mi* oli luk mi olsem wan samting we i smel nogud.
18 Ol pikinini tu oli stap lukluk rabis long mi.Taem mi girap, oli stat singaot long mi blong jikim mi
19 Ol besfren blong mi oli no laekem mi nating,+Mo olgeta we mi lavem olgeta tumas, oli tanemraon oli agensem mi.+
20 Ol bun blong mi oli kam fasgud long skin mo mit blong mi,+Mo mi stap laef nomo wetem skin blong tut blong mi.
21 Yufala i sore long mi ol fren blong mi, yufala i sore long mi,From han blong God stret i tajem mi.+
22 ?From wanem yufala i gohed blong ronem mi blong kilim mi olsem we God i bin mekem,+Yufala i stap agensem mi we yufala i no spel nating?*+
23 !I gud sipos oli bin raetemdaon ol tok blong mi!!I gud sipos oli save raetem long wan buk!
24 !Mi wantem sipos oli yusum led mo wan aean we i olsem pen,Blong katem ol tok ya i go long wan ston blong i stap olwe!
25 From mi mi save gud se man we bambae i pemaot* mi,+ hem i laef i stap.Bambae hem i kam biaen mo i stanap antap long wol ya.*
26 Nating se sik i spolem skin blong mi finis,Be long sem bodi ya, bambae mi luk God,
27 Bambae mi wan mi luk hem,Bambae prapa ae blong mi i luk hem, i no ae blong narafala man,+
!Be dip insaed long mi, mi harem nogud tumas!*
28 From yufala i talem se: ‘?Olsem wanem nao yumi stap ronem hem blong kilim hem?’+
From we mi nomo mi stamba blong problem ya.
29 Yufala i mas fraet long naef blong faet,+From we naef blong faet i stap givim panis from ol rong we man i mekem.Yufala i mas save se i gat wan jaj i stap.”+
Ol futnot
^ NT: “tok nogud.”
^ NT: “famle.”
^ PT: “ol boe blong bel blong mi,” hemia bel we i bonem mi (bel blong mama blong mi).
^ PT: “Mo yufala i no harem se bodi blong mi i naf yet?”
^ NT: “pembak.”
^ PT: “antap long das.”
^ NT: “Kidni blong mi i no moa wok.”
