Job 26:1-14
26 Job i ansa i se:
2 “!Ating yu nao yu halpem man we i no gat paoa!
!Ating yu nao yu sevem han we i no gat paoa!+
3 !Ating advaes we yu givim long man we i no gat waes i beswan!+
!Mo yu glad nomo blong soemaot waestok blong yu we i wok gud!*
4 ?Yu yu stap traem blong toktok long hu,Mo hu i pulum yu blong talem ol samting olsem?*
5 Olgeta we oli ded we oli no moa gat paoa, oli stap seksek,Mo oli stap daon moa i bitim ol wota mo ol samting we oli laef long hem.
6 Gref* i stap neked nomo long fored blong God,*+Mo ples we samting i kam nogud long hem,* i no gat samting i kavremap.
7 Hem i pulum skae ya long not* i go long emti spes,*+Mo wol ya hem i no hangem long wan samting.
8 Hem i kavremap gud ol wota long ol klaod blong hem,+Mekem se ol klaod oli no bosta aninit, taem oli hevi tumas.
9 Hem i blokem tron* blong hem nao man i no luk,I mekem klaod blong hem i kavremap tron ya.+
10 Hem i makemaot ples we skae i joen long solwota.*+Hem i mekem wan boda bitwin delaet mo tudak.
11 Ol bigfala pos blong heven oli muvmuv,Oli sek nogud taem hem i tok strong.
12 Hem i mekem solwota i raf long paoa blong hem nomo,+Mo from fasin blong hem blong kasemsave, hem i brebrekem bigfala animol blong solwota* long smosmol pis.+
13 Hem i mekem se skae i kam klia, long win blong maot blong hem nomo,*Han blong hem i sperem snek ya we i had blong holemtaet.*
14 !Yu luk! !Hemia ol smol haf nomo blong ol wok blong hem!+!Wan smol wispa nomo we yumi harem long saed blong hem!
?Taswe hu i naf blong kasem save long bigfala paoa blong hem we i olsem tanda?”+
Ol futnot
^ NT: “soemaot se yu yusum hed blong yu.”
^ PT: “?Win (spirit) blong hu i kamaot long yu?”
^ PT: “hem.”
^ NT: “Mo Abadon.”
^ PT: “Hem i pulum not.”
^ PT: “emti ples.”
^ NT: “jea blong king.”
^ PT: “pulum wan laen i goraon long ples we skae i joen long solwota.”
^ PT: “Rahab.”
^ PT: “win blong hem.”
^ NT: “snek ya we i muv kwik be kwaet nomo.”
