Job 31:1-40
31 “Mi mi mekem wan kontrak wetem ae blong mi finis.+?Taswe olsem wanem mi save lukluk wan yang gel* wetem wan tingting we i no stret?+
2 ?Ale mi save kasem wanem long God ya antap??God Ya We i Gat Olgeta Paoa mo i stap antap, i putumgud wanem samting i stap se i blong mi?
3 Disasta i stap wet long ol man we oli stap mekem i no stretMo bigfala trabol i stap wet long olgeta we oli stap mekem samting we i nogud.+
4 ?Hem i no luk ol fasin blong mi+Mo i kaontem evri step blong mi taem mi wokbaot?
5 ?Mi mi bin wokbaot samtaem folem samting we i no tru
Mo leg blong mi i kwik blong go wokem ol trik?+
6 I gud God i skelem mi long ol skel we oli stret gud,+Nao bambae hem i luksave fasin blong mi blong holemstrong.+
7 Sipos ol trak blong leg blong mi oli gowe long rod+No hat blong mi i folem ae blong mi+No han blong mi i doti long wan samting,
8 Ale i gud mi saksakem sid mo narafala man i kakae,+Mo i gud man i rutumaot samting we mi planem.*
9 Sipos wan woman i pulum hat blong mi+Mo mi go ledaon mi stap wet+ long doa blong neba blong mi,
10 Ale i gud waef blong mi i go granem wit blong narafala man,Mo i gud ol narafala man oli mekem seks wetem hem.*+
11 From we hemia i olsem fasin blong sem nomo,Wan rong we i stret nomo blong ol jaj oli givim panis from.+
12 Mo i olsem wan faea we i save bonem mo distroem evri samting,*+Mo i save bonem tu ol rus blong* olgeta samting blong mi.
13 Sipos mi no soem jastis long ol man no ol woman blong wok blong miTaem oli komplen long wan samting* agensem mi,
14 ?Mi save mekem wanem taem God i stap long fored blong mi?*
?Mi save talem wanem blong ansa long hem taem hem i talemaot ol rong blong mi?+
15 Man we i mekem mi long bel blong mama blong mi, i mekem olgeta tu.+
Hem i sem Man ya we i mekem yumi bifo we yumi bon.*+
16 Sipos mi no wantem givim samting we ol puaman oli wantem+No mi mekem ae blong ol wido i harem nogud,*+
17 Sipos mi kakae kakae blong mi, mi wan nomo,We mi no serem wetem ol pikinini we oli no gat papa mo mama,+
18 (From we stat long taem we mi yangfala, pikinini we i no gat papa mo mama* i gruap wetem mi olsem we mi nao mi papa blong hem,Mo stat taem mi pikinini nomo,* mi stap halpem ol wido.*)
19 Sipos mi luk eni man we klosap i lus from i no gat klosNo wan puaman we i no gat samting blong kavremap hem,+
20 Sipos hem i no blesem mi+Taem hem i stap wom gud long wul blong sipsip blong mi,
21 Sipos mi sakem han blong mi agensem pikinini we i no gat papa mo mama+Taem hem i nidim blong mi halpem hem long get blong taon,*+
22 AIe i gud han* blong mi i kamaot long solda blong mi,Mo i gud han blong mi i brok stret long elbo blong mi.*
23 From we mi mi fraet long disasta we i kamaot long God,Mo mi no save stanap long fored blong haenem blong hem.
24 Sipos mi putum tingting blong mi i stap long golNo mi talem long gol se: ‘!Yu yu sekiuriti blong mi!’+
25 Sipos mi faenem glad long ol rij samting blong mi+From plante samting we mi gat,+
26 Sipos mi luk san* i stap saenNo mi luk mun i stap muv we i saen gud,+
27 Mo i pulum hat blong mi haed nomo,Mo maot blong mi i kisim han blong mi blong wosipim olgeta,+
28 Ale hemia bambae i olsem wan rong we i stret nomo blong ol jaj oli panisim man from,From we i olsem se mi giaman long tru God ya antap.
29 ?I gat samtaem we mi glad from enemi blong mi i kasem trabol+No mi harem gud from wan rabis samting i hapen long hem?
30 Mi neva letem maot blong mi i mekem sinLong fasin ya we mi mekem wan strong promes blong tekemaot laef* blong hem.+
31 ?Ol man long tent blong mi oli no bin talem se:‘Hu i save eni man we i kakae kakae* blong hem be i no fulap gud?’+
32 I no gat wan strenja* we i bin spenem fulnaet aotsaed,+Mi openem doa blong mi long ol man we oli stap wokbaot i go long narafala ples.
33 ?Mi mi stap traem kavremap ol rong blong mi, olsem ol narafala man,+We mi haedem ol mastik blong mi long poket blong klos blong mi?
34 ?Mi mi fraet long samting we plante man oli mekem,No mi fraet taem ol narafala famle oli jikim mi,Oli mekem se mi stap kwaet mo mi fraet blong go aotsaed?
35 !Sipos wan man i lesin long mi nomo!+
Olsem nao mi save saenem nem blong mi long samting we mi talem.*
!I gud God Ya We i Gat Olgeta Paoa i ansa long mi!+
!Sipos man we i stap tok agensem mi, i raetemdaon ol poen ya nomo long wan pepa!
36 Olsem nao mi save karem pepa ya long solda blong mi,Mo mi save fasem pepa ya raon long hed blong mi olsem hat blong king.
37 Mo mi save talemaot long hem, evri rod we mi folem,Mi save go klosap long hem we mi no fraet nating olsem wan prins.
38 Sipos prapa graon blong mi i krae agensem hem,Mo ol rod blong wota long hem oli krae semtaem,
39 Sipos mi stap kakae ol frut blong graon ya be mi no pem,+No sipos mi mekem se ol ona* blong hem oli no moa gat hop,+
40 Ale, i gud ol ropnil oli gru long graon blong mi, be i no witMo i gud ol rabis gras we oli smel nogud oli gru long graon blong mi, be i no bale.”
Ol toktok blong Job i finis long ples ya.
Ol futnot
^ PT: “gel we i no save man yet.”
^ NT: “Mo i gud man i rutumaot ol laen blong mi.”
^ PT: “i gud ol narafala man oli nildaon ovarem hem.”
^ PT: “i kakae evri samting.”
^ NT: “Mo i rutumaot.”
^ PT: “oli gat wan kot kes.”
^ PT: “taem God i stanap.”
^ PT: “yumi insaed long bel.”
^ PT: “mekem ae blong ol wido i nogud.”
^ PT: “stat long taem we mi stap long bel blong mama blong mi.”
^ PT: “hem.”
^ PT: “taem we mi yangfala, hem.”
^ MNT: “Taem mi luk se mi gat ol man blong givhan long olgeta long get blong taon.”
^ NT: “bun blong solda.”
^ NT: “long joen blong hem; long bun ya antap.”
^ PT: “laet.”
^ NT: “sol.”
^ PT: “mit.”
^ NT: “wan man blong narafala ples.”
^ NT: “Hemia saen blong mi.”
^ NT: “sol blong ol ona.”
