Job 37:1-24
37 “From samting ya hat blong mi i stap pamMo i stap jam long ples blong hem.
2 Yufala i lesin gud long saon blong voes blong hemMo tanda we i stap kamaot long maot blong hem.
3 Hem i letem noes ya i kasem olgeta ples aninit long hevenMo i sanem laetning blong hem+ i go kasem ol laswan ples long wol.
4 Afta long hem, i gat wan bigfala noes.Hem i toktok long wan strong voes olsem tanda,+Mo hem i no blokem laetning blong i no laet taem man i harem voes blong hem.
5 God i stap toktok long bigfala voes olsem tanda,+ long wan fasin we i naes tumas.Hem i mekem ol bigbigfala samting we oli bitim save blong yumi.+
6 From hem i stap talem long sno se: ‘Yu folfoldaon long wol,’+
Mo long bigfala ren se: ‘Yu ren strong.’+
7 God i stopem evri wok blong ol man*Olsem nao man we i blong ded nomo, bambae i save wok blong Hem.
8 Ol wael animol oli go insaed long ol hol blong olgetaMo oli haed i stap long ol hom blong olgeta.
9 Strong win i aot long rum blong hem i stap blu i kam,+Mo kolkol i kam from not win.+
10 Win blong maot blong God i mekem se i gat aes,+Mo i mekem bigfala wota i kam strong we i strong.+
11 Yes, hem i mekem ol klaod oli kam hevi long ol drop wota.Mo i mekem laetning blong hem i laet+ olbaot long ol klaod.
12 Oli muv i goraon long ples we hem i lidim olgeta i go long hem,Oli mekem eni samting we hem i talem,+ long wol ya we ol samting oli stap long hem.*
13 Hem i stap mekem samting ya i kamtru, nomata se i blong givim panis+No i mekem from graon ya, no blong soemaot lav oltaem.+
14 Job, yu lesin long samting ya,Yu stop mo yu tingting gud long ol gudgudfala wok blong God.+
15 ?Yu yu save olsem wanem God i stap kontrolem* ol klaodMo olsem wanem hem i mekem laetning i laet long klaod blong hem?
16 ?Yu yu save olsem wanem ol klaod oli stap flot?+
Hemia ol gudgudfala wok blong Man ya we save blong hem i stret gud.+
17 ?From wanem klos blong yu i kam hotTaem wol ya i stap kwaet nomo from saot win?+
18 ?Yu yu save wok wetem hem blong spredem skae i open*+Blong i stap strong olsem wan aean mira?
19 Yu talem long mifala samting we mifala i mas talem long hem.Mifala i no save ansa from mifala i stap long tudak.
20 ?Man i mas talem long hem se mi mi wantem toktok?
?No i gat wan man i talem wan samting we oli sud talem long hem?+
21 Oli no save luk laet nating,*Nomata se laet i saen bigwan long skae,Kasem we win i blu i kam mo i karemaot ol klaod i go.
22 Laet we i saen olsem gol, i laet long not i kam,Haenem blong God+ i mekem man i sapraes mo i fraet.
23 Yumi no naf blong kasemsave gud God Ya We i Gat Olgeta Paoa.+Hem i gat bigfala paoa,+Mo hem i neva go agensem jastis+ mo stret fasin blong hem we i bigwan tumas.+
24 Taswe, ol man oli sud fraet* long hem.+
From hem i no glad long ol man we oli ting se oli waes.”*+
Ol futnot
^ PT: “putum wan stamp long han blong evri man.”
^ NT: “long gudfala graon long wol.”
^ NT: “toktok long.”
^ NT: “kilkilim skae i open.”
^ Hemia laet blong san.
^ NT: “tinghevi.”
^ PT: “we oli waes long hat.”
