Joel 1:1-20
1 Hemia tok blong Jehova we i kamtru long Joel* boe blong Petuel se:
2 “Yufala ol elda, yufala i harem samting ya,Mo olgeta man long kantri ya,* yufala i lesin gud.
?I gat wan samting olsem i hapen finis long ol dei blong yufalaNo long ol dei blong ol olfala blong yufala?+
3 Yufala i talemaot long ol boe blong yufala,Mo i gud ol boe blong yufala oli talemaot long ol boe blong olgeta,Mo ol boe blong olgeta oli talemaot long nekis jeneresen.
4 Ol samting we ol lokis ya we oli stap kakae evri samting oli lego i stap, bigfala grup blong ol lokis oli kakae finis,+Mo ol samting we bigfala grup blong ol lokis oli lego i stap, ol lokis we oli no gat wing oli kakae finis,Mo ol samting we ol lokis we oli no gat wing oli lego i stap, ol lokis we oli stap kakae bigwan oli kakae finis.+
5 !Ol man blong drong,+ yufala i wekap mo yufala i krae!Olgeta man blong dring waen, yufala i krae bigwan,From we oli tekemaot swit waen finis long maot blong yufala.+
6 From wan nesen i kam insaed finis long kantri blong mi, hem i strong mo ol soldia blong hem oli plante we plante.+
Ol tut blong hem i olsem tut blong wan laeon,+ mo ol jo blong hem i olsem blong wan laeon.
7 Hem i spolemgud rop blong grep blong mi mo i mekem figtri blong mi i stanap nating nomo,Hem i karemaot evri skin blong olgeta mo i sakem olgeta i go long saed,We ol branj blong olgeta oli waet gud nomo i stap.
8 Yufala i krae bigwan olsem gel we i no save man yet* we i stap werem klos we oli wokem long bag i stap mekemFrom man* we hem i maredem taem hem i yang.
9 I no moa gat ol sid ofring+ mo ol dring ofring+ long haos blong Jehova,Ol pris, hemia ol minista blong Jehova, oli stap krae from oli sore.
10 Oli spolemgud ol garen, graon i krae from i harem nogud,+From oli spolemgud ol sid, mo niu waen i kam drae, ol oel oli finis.+
11 Ol fama oli harem nogud, ol man blong wok long plantesen blong grep oli krae bigwan,From ol wit mo bale,From we ol kakae blong havestem oli lus finis.
12 Ol rop blong grep oli drae finis,Ol figtri oli slak finis.
Ol grenadin, ol pamtri, mo ol apol,Olgeta tri long garen oli drae finis,+From ol man oli no moa glad be oli sem.
13 Yufala ol pris, yufala i putum klos we oli wokem long bag mo yufala i krae,Ol minista blong olta, yufala i krae bigwan.+
Yufala ol minista blong God blong mi, yufala i kam insaed mo long fulnaet yufala i werem ol klos we oli wokem long bag,From ol man oli no moa karem ol sid ofring+ mo ol dring ofring+ i kam long haos blong God blong yufala.
14 Yufala i talemaot wan dei blong fasting,* yufala i singaot ol man oli kam long wan impoten asembli.+
Yufala i hivimap ol elda wetem olgeta man long kantri yaOli kam long haos blong Jehova God blong yufala,+ mo krae i go long Jehova from help.
15 !Sore tumas, dei ya i nogud we i nogud!!From dei blong Jehova i klosap,+Mo dei ya i kam long God Ya We i Gat Olgeta Paoa, mo bambae i dei blong spolem olgeta samting!
16 Oli tekemaot kakae stret long fes blong yumi,Mo i no moa gat glad mo harem gud long haos blong God blong yumi.
17 Ol sid* oli drae finis aninit long ol savel blong olgeta.
Ol stohaos oli stap nating nomo.
Oli brekemdaon finis ol haos blong putumgud ol sid, from ol sid oli kam drae.
18 !Ol animol tu oli stap krae!!Ol grup blong buluk oli stap go olbaot we oli konfius, from i no gat gras blong oli kakae!Mo ol grup blong sipsip oli kasem panis.
19 O Jehova, bambae mi singaot long yu,+From faea i kakae ol gudfala gras blong ol animol long draeples finis,Mo laet blong faea i kakae finis olgeta tri long garen.
20 Ol wael animol tu oli wantem yu tumas,From we ol springwota oli draeMo faea i kakae ol gudfala gras blong ol animol long draeples finis.”
Ol futnot
^ Hemia i minim “Jehova i God.”
^ NT: “wol.”
^ NT: “yang woman.”
^ NT: “From hasban blong hem.”
^ PT: “i mekem dei blong fasting i tabu.”
^ MNT: “Ol drae fig.”
