Buk Blong Obadaea 1:1-21
1 Vison blong Obadaea:*Hemia samting we Hae Masta Jehova i talem long saed blong Edom, se:+“Mifala i harem wan ripot we i kam long Jehova,Hem i bin sanem wan mesenja i go long ol nesen, blong talem se:‘Yufala i girap, i gud yumi mekemrere blong faet agensem hem.’”+
2 “!Yu luk! Mi mi mekem yu yu kam olsem nating nomo long medel blong olgeta nesen,Oli no laekem yu nating.+
3 Fasin blong yu blong mekem samting we yu no gat raet blong mekem, i trikim yu,+Yes yu we yu stap go haed long ol hol blong ston,Yu stap long ples ya we i hae, mo long hat blong yu, yu stap talem se:‘?Hu bambae i save pulum mi mi godaon long graon?’
4 Nating sipos yu mekem ples blong yu antap* olsem igel,No sipos yu putum nes blong yu long medel blong ol sta,Be bambae mi pulumaot yu long ples ya i kamdaon,” hemia nao tok blong Jehova.
5 “Sipos ol stilman oli kam long yu, yes ol man blong stil oli kam long naet,?Yu no ting se bambae oli karem nomo samting we oli wantem?No sipos ol man blong pikimap grep oli kam long yu,?Yu no ting se bambae oli lego sam grep i stap biaen?(Be yu bambae oli flatemgud yu)*+
6 !Sore tumas, oli faenem evri samting blong Esao!!Oli faenem finis ol sas samting blong hem we oli haed i stap!
7 Oli pulum yu i go kasem boda.
Olgeta fren blong yu* oli trikim yu.
Ol man we oli gat pis wetem yu, oli faet agensem yu nao oli win.
Olgeta we oli stap kakae bred wetem yu, bambae oli putum wan net blong kasem yu,Be bambae yu no luksave samting ya.
8 Jehova i talem se: “Long dei ya,Bambae mi finisim ol waes man blong Edom+Mo olgeta ya long rijen blong ol hil blong Esao, we oli gat fasin blong luksave samting.
9 Mo ol strong man blong faet blong yu bambae oli fraet,+ O Teman,+From we bambae oli kilim i ded evri man wanwan we oli stap long rijen blong ol hil blong Esao.+
10 From fasin nogud we yu mekem long brata blong yu Jekob,+Bambae yu yu sem bigwan,+Mo bambae yu lus olwe.+
11 Long dei ya we yu stanap i go long saed,Long dei ya we ol strenja oli tekem ol ami blong hem oli go kalabus,+Taem ol man blong narafala kantri oli kam insaed long get blong hem mo oli sakem ol spesel ston+ long Jerusalem,Yu yu bin mekem olsem se yu yu wan long olgeta.
12 Yu no sud glad long dei ya we brata blong yu i kasem trabol,+Yu no sud harem gud from ol man Juda long dei ya we oli stap lus,+Mo yu no sud tok flas tumas long dei ya we oli harem nogud.
13 Yu no sud kam insaed long get blong ol man blong mi, long dei we disasta i kasem olgeta,+Yu no sud glad from trabol we i kasem hem, long dei we disasta i kasem hem,Mo yu no sud tajem ol gudfala samting blong hem, long dei we disasta i kasem hem.+
14 Yu no sud stanap long ol krosrod blong kilim ol man blong hem we oli ronwe,+Mo yu no sud putum ol man blong hem we oli laef i stap, oli go long dei blong harem nogud.+
15 From dei blong Jehova blong agensem olgeta nesen i klosap finis.+
Samting we yu mekem, bambae oli mekem long yu tu.+
Fasin we yu mekem long ol narafala, bambae i kasem hed blong yu bakegen.
16 From fasin we yufala i folem blong drong long bigfala hil blong mi we i tabu,Olgeta nesen bambae oli gohed oltaem nomo blong dring.+
Bambae oli dring mo oli solemdaon,Mo bambae oli stap olsem we oli neva stap bifo.
17 Be long Hil Ya Saeon bambae i gat olgeta ya we oli ronwe,+Mo bambae oli tabu,+Mo olgeta long haos blong Jekob bambae oli tekembak ol samting we i blong olgeta.+
18 Olgeta long haos blong Jekob bambae oli kam wan faea,Olgeta long haos blong Josef oli kam laet blong faea,Mo olgeta long haos blong Esao oli olsem stamba blong wit,Bambae oli putum faea long olgeta mo bambae i bonem olgeta,Mo bambae i no gat wan man long haos blong Esao i laef i stap,+From we Jehova nao i talem.
19 Bambae oli holem Negeb mo rijen blong ol hil blong Esao i blong olgeta,+Sefela mo graon blong ol man Filistia i blong olgeta.+
Bambae oli holem ples blong Efrem mo ples blong Sameria i blong olgeta,+Mo Benjamin bambae i holem Gilead i blong hem.
20 Yufala blong ples ya we oli hivimap graon long hem,* we yufala i go kalabus,+Mo yufala ol man Isrel, bambae kantri blong ol man Kenan i go kasem Jarefat, i blong yufala.+
Mo yufala ol man Jerusalem, we yufala i go kalabus long narafala kantri, we yufala i stap long Sefarad, bambae yufala i tekem ol taon blong Negeb i blong yufala.+
21 Mo ol man blong sevem man, bambae oli go long Hil Ya SaeonBlong jajem rijen blong ol hil blong Esao,+Mo Jehova bambae i rul olsem king.”+
Ol futnot
^ Hemia i minim “Man Blong Wok Blong Jehova.”
^ MNT: “yu flae antap.”
^ MNT: “?Bambae oli distroem yu kasem wanem mak?”
^ NT: “Olgeta we oli mekem kontrak wetem yu.”
^ NT: “ples we i gat stonwol.”
