Proveb 15:1-33
15 Wan ansa we i kaen,* i mekem man i no moa kros,+Be toktok we i no kaen,* i mekem man i kros moa.+
2 Tang blong man we i waes, i yusum gud save,+Be maot blong man we i stupid, i letem ol krangke tok nomo i kamaot.
3 Ae blong Jehova i stap lukluk long evri ples,I stap wajem ol rabis man mo ol gudfala man tu.+
4 Wan tang we i kaen* i olsem tri blong laef,+Be toktok we i no stret, i mekem tingting i foldaon.*
5 Man we i no gat hed, hem i ting nating long ol tok we papa blong hem i talem blong stretem hem,+Be man we i tingting gud, hem i akseptem ol tok* we man i talem blong stretem hem.+
6 I gat plante sas samting long haos blong ol stret man,Be man nogud, ol samting we hem i mekem* oli stap pulum trabol i kam long hem bakegen.+
7 Lips blong waes man, i givimaot save,+Be hat blong man we i stupid i no save mekem olsem.+
8 Sakrefaes blong rabis man i nogud we i nogud long ae blong Jehova,+Be Hem i glad long prea blong ol gudfala man.+
9 Jehova i no laekem nating fasin blong ol man nogud,+Be hem i lavem man we i stap mekem ol stret fasin.+
10 Man we i no stap folem stret rod, hem i luk fasin blong stretem man se i nogud,*+Be man we i no laekem nating ol strong tok, bambae i ded.+
11 Gref* mo ples we samting i kam nogud long hem,* oli stap klia nomo long fes blong Jehova.+
!Taswe hat blong ol man tu i stap long klia ples nomo!+
12 Man we i stap laf blong daonem narafala, hem i no lavem man we i stap stretem* hem.+
Man olsem bambae i no save go askem advaes long man we i waes.+
13 Sipos hat blong man i glad, fes blong hem tu i hapi,Be sipos hat blong man i trabol, bambae tingting* blong hem tu i foldaon olgeta.+
14 Hat we i kasemsave samting, i stap lukaotem save,+Be maot blong man we i stupid, i fulap long krangke fasin olsem kakae.*+
15 Man we i stap safa, evri dei long laef blong hem i nogud nomo,+Be man we hat blong hem i glad,* i olsem we hem i stap lafet olwe nomo.+
16 I moa gud yu gat smol samting nomo be yu fraet* long Jehova,+I bitim we yu gat plante sas samting be yu stap wari.*+
17 I moa gud blong kakae wan plet vejtebol long ples we i gat lav long hem,+I bitim we man i kakae bul we i fatfat gud* long ples we i no gat lav long hem.+
18 Man we i stap kros bitim mak, hem i stap pulum rao i kam,+Be man we i slo blong kam kros, hem i stap mekem se rao i godaon, i finis.+
19 Man we i les, rod blong hem i olsem we ol ropnil oli fasfas long hem,+Be gudfala man, rod blong hem i olsem wan bigrod we i level gud.+
20 Wan boe we i waes, i stap mekem papa blong hem i glad,+Be wan man we i stupid, hem i stap ting nating long mama blong hem.+
21 Man we i no gat gudfala tingting,* hem i stap glad long ol krangke fasin,+Be man we i gat fasin luksave, i stap wokbaot i go stret nomo.+
22 Taem ol man oli no toktok gud tugeta fastaem, ol plan blong olgeta bambae i foldaon,Be wok i save gohed gud, taem i gat plante man blong givim advaes.+
23 Taem man i givim ansa we i stret, hem i glad tumas,+Mo tok we man i talem long stret taem, !I gud tumas!+
24 Man we i gat hed, hem i jusum rod blong laef we i lidim man i go antap,+Blong mekem se hem i no godaon long Gref.*+
25 Jehova bambae i brebrekemdaon ol haos blong ol praod man,+Be bambae hem i mekem se ples blong ol wido i stap gud.+
26 Jehova i no laekem nating ol plan blong ol man nogud,+Be ol gudfala toktok, Hem i luk se i klin gud.+
27 Man we i stap winim mane long fasin we i no stret, hem i stap pulum trabol* i kam long famle blong hem nomo,+Be man we i no laekem nating fasin blong kasem dotimane, bambae i gohed blong laef.+
28 Hat blong stret man i tingting dip bifo we i ansa,*+Be maot blong man nogud, i letem ol rabis samting nomo i kamaot.
29 Jehova i stap longwe long ol man nogud,Be hem i stap harem prea blong ol stret man.+
30 Ae we i saen,* i mekem hat i glad.
Wan gudfala ripot i mekem ol bun i kam strong.*+
31 Man we i stap lesin gud long ol tok blong laef we i blong stretem hem,I olsem we hem i laef wetem ol waes man.+
32 Man we i no wantem se narafala i stretem hem, hem i no laekem laef* blong hem,+Be man we i lesin gud long ol tok blong stretem hem, i stap kasemsave samting.*+
33 Fasin blong fraet* long Jehova, i trenem man blong kam waes,+Mo tingting we i stap daon i givim glori long man.+
Ol futnot
^ NT: “i stikim man.”
^ NT: “kwaet.”
^ NT: “Wan tang we i save hilim man.”
^ PT: “i stap spolem tingting blong man.”
^ NT: “ol strong tok.”
^ NT: “mane we hem i kasem.”
^ NT: “strong tumas.”
^ NT: “mo Abadon.”
^ NT: “tok strong blong stretem.”
^ PT: “spirit.”
^ NT: “i stap ronem ol krangke fasin oltaem.”
^ NT: “i gud.”
^ NT: “yu konfius.”
^ NT: “stap tinghevi.”
^ PT: “bul we oli stap fidim insaed long haos.”
^ PT: “hat blong hem i wantem wan samting.”
^ NT: “pulum sem.”
^ NT: “tingting gud olsem wanem blong i ansa; tingting bifo we hem i toktok.”
^ NT: “Man we i smael long yu.”
^ PT: “mekem ol bun i fatfat.”
^ NT: “sol.”
^ PT: “hem i kasem wan hat we i waes.”
^ NT: “tinghevi.”
