Ol Sam 116:1-19
116 Mi mi lavem JehovaFrom we hem i harem* voes blong mi, taem mi plis long hem blong i halpem mi.+
2 From hem i pusum sora blong hem i kam long mi,*+Mo bambae mi singaot i go long hem long ful laef blong mi.
3 Ol rop blong ded oli fasemtaet mi,Gref i holemtaet mi i stap.*+
Trabol i spolemgud mi mo mi harem nogud tumas.+
4 Be mi singaot long nem blong Jehova,+ mi se:“!O Jehova, yu sevem mi!”*
5 Jehova i kaen mo i gat stret fasin,+God blong yumi i gat sore.+
6 Jehova i stap lukaot gud long man we i no gat ekspiriens.+
Taem ol man oli daonem mi, hem i sevem mi.
7 I gud sol* blong mi i spel wan moa taem bakegen,From Jehova i bin mekem i gud long mi.
8 Yu yu tekemaot mi* long ded,Yu mekem se mi no moa krae, mo yu blokem leg blong mi blong i no fas long wan samting.+
9 Bambae mi wokbaot oltaem long fes blong Jehova long ples we ol man oli laef long hem.
10 Mi mi gat bilif, taswe mi toktok,+Mi mi harem nogud tumas.
11 Be mi, mi panik mo mi talem se:“Evri man oli man blong giaman.”+
12 ?Bambae mi givim wanem long Jehova olsem pei,Blong ol gudfala samting we hem i bin mekem blong mi?
13 Bambae mi tekem kap ya we i blong sevem man,Mo bambae mi singaot long nem blong Jehova.
14 Long fes blong olgeta man blong God,+Bambae mi mekem olgeta samting we mi promes long Jehova.
15 I sas tumas long ae blong JehovaBlong letem wan man blong hem we i holemstrong long hem i ded.+
16 O Jehova, mi plis long yu,From we mi mi man blong wok blong yu.
Mi mi man blong wok blong yu, mi boe blong slef gel blong yu.
Yu yu mekem mi mi kamfri long ol samting we oli holemtaet mi.+
17 Bambae mi givim sakrefaes blong talem tangkiu long yu.+
Bambae mi singaot long nem blong Jehova.
18 Long fes blong olgeta man blong God,+Bambae mi mekem olgeta samting we mi promes long Jehova.+
19 Yes, insaed long ol yad blong haos blong Jehova,+Long medel blong Jerusalem.
!Presem Jah!*+
Ol futnot
^ MNT: “Mi mi gat lav from we Jehova i harem.”
^ NT: “hem i bendaon, i lesin long mi.”
^ PT: “Ol trabol blong Seol oli faenem mi.”
^ NT: “sol blong mi.”
^ NT: “sol blong mi.”
^ NT: “!Halelujah!” “Jah” hem i sot nem blong Jehova.
