Ol Sam 118:1-29
118 Yufala i talem tangkiu long Jehova, from hem i gud.+
Fasin blong hem blong lavem man oltaem i stap olwe.
2 I gud Isrel i talem se:“Fasin blong hem blong lavem man oltaem i stap olwe.”
3 I gud olgeta long haos blong Eron oli talem se:“Fasin blong hem blong lavem man oltaem i stap olwe.”
4 I gud olgeta we oli stap fraet* long Jehova oli talem se:“Fasin blong hem blong lavem man oltaem i stap olwe.”
5 Mi singaot i go long Jah* taem mi harem nogud,Jah i ansa long mi, mo i tekem mi mi go long wan ples we i sefgud.*+
6 Jehova i stap long saed blong mi. Bambae mi no fraet.+
?Man i save mekem wanem long mi?+
7 Jehova i stap long saed blong mi, olsem helpa blong mi.*+
Bambae mi luk olgeta we oli no laekem mi nating oli lus.+
8 I moa gud man i go haed long Jehova,I bitim we hem i trastem ol man.+
9 I moa gud man i go haed long Jehova,I bitim we hem i trastem ol prins.+
10 Ol nesen oli raonem gud mi,Be long nem blong Jehova,Mi ronemaot olgeta.+
11 Oli raonem mi, yes, oli raonem gud mi,Be long nem blong Jehova,Mi ronemaot olgeta.
12 Oli raonem mi olsem ol bi,Be oli lus kwiktaem olsem we faea i bonem ol ropnil.
Long nem blong Jehova,Mi ronemaot olgeta.+
13 Oli pusum mi strong* blong mekem mi foldaon,Be Jehova i halpem mi.
14 Jah hem i selta blong mi mo i paoa blong mi,Mo hem nao i sevia blong mi.+
15 Noes blong ol man we oli stap glad mo oli sef*I stap long ol tent blong ol stret man.
Raethan blong Jehova i stap soemaot paoa blong hem.+
16 Raethan blong Jehova i stap go antap hem wan,Raethan blong Jehova i stap soemaot paoa blong hem.+
17 Bambae mi no ded, nogat, bambae mi laef i stap,Blong mi talemaot ol wok blong Jah.+
18 Jah i stretem mi long fasin we i strong we i strong,+Be hem i no letem mi mi go long ded.+
19 Yufala i openem ol get blong stret fasin long mi.+
Bambae mi go insaed long olgeta, mi presem Jah.
20 Hemia get blong Jehova.
Stret man bambae i go insaed long hem.+
21 Bambae mi presem yu from yu ansa long mi+Mo yu bin kam olsem sevia blong mi.
22 Ston we ol man blong wokem haos oli sakemHem i kam nambawan ston long kona.+
23 Hem i kam long Jehova,+Hem i naes tumas long lukluk blong yumi.+
24 Hemia dei we Jehova i mekem,Bambae yumi glad mo yumi harem gud long dei ya.
25 !Jehova, mifala i askem strong long yu se plis yu sevem mifala!!Jehova, plis yu mekem mifala i win!
26 Jehova, yu blesem man ya we i kam long nem blong yu.+
Mifala i stap long haos blong Jehova, mifala i blesem yufala.
27 Jehova i God,Hem i givim laet long yumi.+
Yufala i holem ol branj blong tri, yufala i joenem ol man we oli stap maj long taem blong lafet+I go antap long ol hon blong olta.+
28 Yu yu God blong mi, mo bambae mi presem yu,God blong mi, bambae mi leftemap yu.+
29 Yumi talem tangkiu long Jehova,+ from hem i gud.
Fasin blong hem blong lavem man oltaem i stap olwe.+
Ol futnot
^ NT: “tinghevi.”
^ “Jah” hem i sot nem blong Jehova.
^ NT: “long wan ples we spes blong hem i bigwan.”
^ MNT: “saed blong mi, wetem ol man ya we oli stap halpem mi.”
^ MNT: “Yu pusum mi strong.”
^ NT: “win.”
