Ol Sam 138:1-8
Singsing blong Deved.
138 Bambae mi presem yu long fulhat blong mi.+
Long fes blong ol narafala god,Bambae mi singim ol sing blong presem yu.*
2 Bambae mi bodaon i go long holi tempol* blong yu,+Mo bambae mi presem nem blong yu,+From fasin blong yu blong lavem man oltaem mo fasin blong yu blong holem promes oltaem.
From we yu yu mekem tok blong yu mo nem blong yu i hae moa i bitim ol narafala samting.*
3 Long dei we mi singaot i kam, yu yu ansa long mi.+
Yu mekem we mi mi no fraet nating,* mo yu mekem mi mi strong.+
4 O Jehova, olgeta king blong wol, bambae oli presem yu,+From we bambae oli harem finis ol promes we yu bin talemaot.
5 Bambae oli sing, oli tokbaot ol fasin blong Jehova,From we glori blong Jehova i bigwan tumas.+
6 Nating se Jehova i hae, be hem i tingbaot man we i gat tingting daon,+Be ol praod man hem i save olgeta, be longwe.+
7 Nating se mi wokbaot long ol ples we i denja tumas, bambae yu yu holem mi mi stap laef.+
Yu yu pusum han blong yu, yu blokem ol enemi blong mi we oli kros long mi,Raethan blong yu bambae i sevem mi.
8 Jehova bambae i mekem evri samting long bihaf blong mi.
O Jehova, fasin blong yu blong lavem man oltaem i stap olwe,+Plis yu no lego ol wok blong han blong yu.+
Ol futnot
^ MNT: “Mi tanem baksaed long ol narafala god, mi plei miusik blong presem yu.”
^ NT: “go long tabu ples ya.”
^ MNT: “Yu yu mekem tok blong yu i hae moa long olgeta nem blong yu.”
^ NT: “sol blong mi i no fraet.”
