Ol Sam 30:1-12
-
Sosore i jenis i kam taem blong glad
-
Taem God i glad long man, hem i mekem olsem long ful laef blong man ya (5)
-
Wan sing blong opening blong haos. Singsing blong Deved.
30 O Jehova, bambae mi leftemap yu from we yu yu mekem mi mi stanap bakegen.*Yu yu no letem ol enemi blong mi oli glad from trabol we i kasem mi.+
2 O Jehova God blong mi, mi mi krae long yu blong yu halpem mi, mo yu yu hilim mi.+
3 O Jehova, yu yu pulumaot mi* long Gref.*+
Yu holem mi mi stap laef, yu no letem mi mi draon long hol.*+
4 Yufala we i holemstrong long Jehova, yufala i singim ol sing blong presem* hem,+Yufala i talem tangkiu from* tabu nem blong hem.+
5 From we taem hem i kros long man, hemia i blong smoltaem nomo,+Be taem hem i glad* long man, hem i mekem olsem long ful laef blong man ya.+
Long sapa, man i save krae, be long moning, hem i krae from i glad tumas.+
6 Long taem we tingting blong mi i kwaet, mi talem se:“Bambae i no gat wan samting i save seksekem mi.”*
7 O Jehova, taem yu glad* long mi, yu mekem mi mi strong olsem wan bigfala hil.+
Be taem yu haedem fes blong yu, mi mi fraet we mi fraet.+
8 O Jehova, mi mi stap singaot i kam long yu,+Mo mi stap askem strong long Jehova blong i kaen long mi.
9 ?Wanem gudfala samting i save kamaot sipos mi ded,* taem mi godaon long hol?*+?Bambae das i presem yu?+ ?Bambae hem i talemaot we oltaem yu stap holem promes blong yu?+
10 O Jehova, yu harem mi mo yu kaen long mi.+
O Jehova, yu kam man blong halpem mi.+
11 Yu jenisim finis soasore blong mi i kam danis.
Yu tekemaot finis klos blong mi we oli wokem long bag, mo yu mekem mi werem glad olsem wan klos,
12 Nao mi* save singsing blong presem yu, mo mi no save stap kwaet.
O Jehova God blong mi, bambae mi presem yu gogo i no save finis.
Ol futnot
^ NT: “we yu yu pulum mi mi kam antap bakegen.”
^ NT: “sol blong mi.”
^ NT: “gref.”
^ NT: “plei miusik blong presem.”
^ PT: “Yufala i mas tingbaot.”
^ NT: “hem i mekem i gud.”
^ NT: “Bambae mi neva wokbaot lelei.”
^ NT: “yu mekem i gud.”
^ PT: “kamaot long blad blong mi.”
^ NT: “gref.”
^ NT: “Nao glori blong mi i.”
