Ol Sam 50:1-23
Singsing blong Asaf.+
50 Jehova,* God blong ol god+ i toktok finis.
Hem i stap singaotem wol,Stat taem san i girap, go kasem we i godaon.*
2 God i stap saenaot long Saeon, taon ya we i naes we i naes tumas.+
3 God blong yumi bambae i kam mo i no save stap kwaet.+
Long fored blong hem, i gat wan faea we i stap bonem evri samting,+Mo wan bigfala hariken i girap raonabaot long hem.+
4 Hem i singaot heven antap mo wol i kam,+Blong i jajem ol man blong hem.+ Hem i se:
5 “Yufala i hivimap ol man blong mi we oli stap holemstrong long mi, oli kam long mi,Hemia olgeta we oli mekem wan kontrak wetem mi, taem oli mekem sakrefaes.”+
6 Heven i stap talemaot stret fasin blong hem,From God nomo i Jaj.+ (Selah)
7 “Ol man blong mi, yufala i lesin, mo mi bambae mi toktok.
Isrel, bambae mi talemaot ol poen agensem yu.+
Mi mi God, mi God blong yu.+
8 Mi mi no stretem yu from ol sakrefaes blong yu,No from ol ofring blong yu we oli bon fulwan we oli stap oltaem long fes blong mi.+
9 Mi mi no nid blong tekem wan bul long haos blong yu,No ol nani* long fenis blong yu,+
10 From evri wael animol long bus, oli blong mi,+Wetem ol bigfala animol tu we oli stap antap long plante taosen bigfala hil.
11 Mi mi save evri pijin long ol bigfala hil.+
Ol animol olbaot long open ples, we man i no save kaontem olgeta, oli blong mi.
12 Sipos mi hanggri, bambae mi no save talem long yu,From gudfala graon ya mo olgeta samting long hem, oli blong mi.+
13 ?Yu ting se bambae mi kakae mit blong ol bulMo mi dring blad blong ol nani?+
14 I gud yu talem tangkiu long God, olsem sakrefaes blong yu,+Mo yu mekem ol samting we yu bin promes long God ya we i Hae Olgeta.+
15 Yu singaot long mi long taem blong trabol.+
Bambae mi tekemaot yu, mo bambae yu leftemap mi.”+
16 Be God bambae i talem long ol man nogud se:“?Hu i givim raet long yufala blong talem bakegen ol rul blong mi+Mo blong tokbaot kontrak blong mi?+
17 From yufala i no laekem nating fasin blong stretem* man,Mo yufala i gohed blong tanem baksaed long ol tok blong mi.*+
18 Taem yufala i luk wan stilman, yufala i glad nomo long hem,*+Mo yufala i stap joen wetem ol man blong adaltri.*
19 Yufala i yusum maot blong yufala blong tokbaot olbaot samting we i nogud,Mo giaman i fasgud long tang blong yufala.+
20 Yufala i sidaon mo yufala i tok agensem ol stret brata blong yufala.+
Yufala i talemaot ol mastik* blong boe blong stret mama blong yufala.
21 Taem yufala i mekem ol samting ya, mi mi stap kwaet nomo,Taswe yufala i ting se bambae mi mi sem mak nomo long yufala.
Be naoia bambae mi stretem yufala,Mo bambae mi talemaot ol poen blong mi agensem yufala.+
22 Plis yufala we yufala i fogetem God,+ yufala i tingbaot samting ya,Olsem nao, mi no save terterem yufala long ol smosmol pis, we i no gat wan man blong sevem yufala.
23 Man we i stap talem tangkiu long mi, olsem wan sakrefaes blong hem blong leftemap mi,+Mo man we i stap folem sem rod oltaem,Bambae mi mekem hem i luk we God i sevem hem.”+
Ol futnot
^ NT: “Man ya we i God, hemia God, Jehova.”
^ NT: “I stat long is i go kasem wes.”
^ PT: “ol man nani.”
^ NT: “nating we mi mi tijim.”
^ PT: “stap sakemaot ol tok blong mi i go biaen.”
^ MNT: “yufala i joen wetem hem.”
^ NT: “yufala i stap spolem nem.”
