Ol Sam 88:1-18
Wan singsing. Wan miusik blong ol boe blong Kora.+ Long daerekta. Long stael blong Mahalat,* mo oli singsing we wan grup i singsing fastaem biaen narawan. Maskil* blong Heman+ we i laen blong Esrahaet.
88 O Jehova, God we i sevia blong mi,+Long dei, mi krae i kam long yu,Mo long naet, mi kam long fes blong yu.+
2 I gud prea blong mi i kam long yu,+Yu pusum sora blong yu i kam* taem mi krae blong yu halpem mi.+
3 From sol* blong mi i fulap long trabol,+Mo laef blong mi i stap klosap long maot blong Gref.*+
4 Oli kaontem mi finis wetem olgeta we oli stap godaon long hol.*+
Naoia i no gat man blong givhan long mi,*+
5 Mi stap long medel blong ol dedmanOlsem man we i ded long faet, i foldaon i stap long gref,We yu no moa tingbaot hem,Mo yu no moa givhan long hem from hem i aot finis.*
6 Yu yu putum mi long wan hol we i stap daon olgeta,Long ol ples we i tudak, long wan bigfala abys.*
7 Kros blong yu i olsem wan hevi samting long mi,+Mo yu spolemgud mi long ol bigfala wef blong yu. (Selah)
8 Yu yu ronemaot ol fren blong mi oli go longwe long mi,+Yu mekem mi mi kam olsem wan samting we oli no laekem nating.
Mi fas long trap mo mi no save ronwe.
9 Ae blong mi i no moa klia from we mi harem nogud tumas.+
O Jehova, fuldei mi stap singaot i kam long yu,+Mi leftemap han blong mi i kam long yu.
10 ?Bambae yu mekem ol merikel blong ol dedman oli luk??Olgeta we oli ded finis oli no moa gat paoa, oli save girap blong presem yu?+ (Selah)
11 ?Long gref, ol man oli save talemaot fasin blong yu blong lavem man oltaem??Long ples we samting i kam nogud long hem,* ol man oli save tokbaot fasin blong yu blong holem promes oltaem?
12 ?Bambae man i save ol bigfala wok blong yu long ples we i tudakMo stret fasin blong yu long ples we i no gat save long hem?+
13 Be Jehova, mi mi stap krae yet long yu blong yu halpem mi,+Evri moning prea blong mi i stap kam long yu.+
14 O Jehova, ?from wanem yu tanem baksaed long mi?*+?From wanem yu haedem fes blong yu long mi?+
15 I stat taem mi yangfala,Mi mi harem nogud mo klosap mi lus.+
Ol trabol we yu letem i kasem mi, oli mekem bodi blong mi i nam.
16 Kros blong yu we i olsem faea, i spolemgud mi.+
Ol samting blong fraet we yu mekem oli distroem mi.
17 Fuldei, oli raonem mi olsem wota.
Oli blokem mi long evri saed.*
18 Yu yu ronemaot ol fren blong mi mo olgeta we mi stap kampani wetem olgeta, oli go longwe long mi.+
Tudak i kam fren blong mi.
Ol futnot
^ NT: “Yu bendaon, yu lesin.”
^ NT: “Naioa mi olsem wan man we i no gat paoa.”
^ NT: “gref.”
^ PT: “Mo we i kamaot finis long han blong yu.”
^ NT: “Long Abadon.”
^ NT: “sol blong mi.”
^ MNT: “wantaem nomo.”
