Ol Sam 97:1-12
97 !Jehova i kam King finis!+
I gud wol i harem gud.+
I gud ol aelan oli glad.+
2 Ol klaod mo bigfala dak klaod i stap raonabaot long hem.+
Stret fasin mo jastis, tufala i fandesen blong tron* blong hem.+
3 Faea i stap go fastaem long hem+I stap bonem ol enemi blong hem long evri saed.+
4 Laetning blong hem i mekem olgeta ples i saen,Taem wol i luk samting ya, hem i seksek.+
5 Long fes blong Jehova, ol bigfala hil oli melt olsem waks,+Yes, long fes blong Masta blong fulwol.
6 Heven i stap talemaot stret fasin blong hem,Mo olgeta man oli luk glori blong hem.+
7 Olgeta we oli wosipim eni aedol we man i katem, i gud oli sem,+Hemia olgeta we oli stap tok flas from ol god blong olgeta we oli nating nomo.+
Olgeta god, yufala i bodaon long* hem.+
8 Saeon i harem mo i glad,+O Jehova, ol taon blong* Juda oli harem gudFrom ol jajmen blong yu.+
9 From yu, O Jehova, yu Hae God long olgeta ples long wol.
Ol man oli leftemap yu moa i bitim ol narafala god.+
10 Yufala we i lavem Jehova, yufala i no mas laekem nating ol samting we i nogud.+
Hem i stap lukaot gud long laef* blong ol man we oli holemstrong long hem.+
Hem i stap tekemaot olgeta long han* blong ol man nogud.+
11 Laet i stap saen finis long ol stret man+Mo olgeta we hat blong olgeta i stret, naoia oli stap glad.
12 Ol stret man, yufala i mas glad from Jehova,Yufala i mas talem tangkiu long hem from* tabu nem blong hem.
Ol futnot
^ NT: “jea blong king.”
^ NT: “i wosipim.”
^ PT: “ol dota blong.”
^ NT: “sol.”
^ NT: “paoa.”
^ PT: “mas tingbaot.”
