Sing Blong Solomon 6:1-13
6 “Woman, yu yu naes moa long ol narafala woman,?Daling blong yu i go wea??Hem i wokbaot i go long wanem saed?I gud mifala i givhan long yu blong lukaotem hem.”
2 “Daling blong mi i godaon long garen blong hem,Long bed blong ol plant we oli smel gud,Blong i lukaot long ol sipsip long medel blong ol garen,Mo blong pikimap ol lili.+
3 Mi mi blong daling blong mi,Mo daling blong mi, hem i blong mi.+
Hem i stap lukaot long ol sipsip long medel blong ol lili.”+
4 “Swit hat blong mi,+ yu yu naes tumas olsem taon ya Tijaha,*+Mo yu naes olsem Jerusalem,+Taem mi luk yu, mi sek olsem we mi sek long ol ami we oli stanap raon long flaeg blong olgeta.+
5 Yu tanem fes blong yu,+ yu no moa lukluk mi,From ae blong yu i spolemgud tingting blong mi.
Hea blong yu i olsem wan grup blong ol naniWe oli stap wokbaot i godaon long saed blong ol hil blong Gilead.+
6 Ol tut blong yu oli olsem wan grup blong ol woman sipsipWe oli wasem gud olgeta finis, nao oli kam,Olgeta evriwan oli gat twin,Mo i no gat wan nating i lusum pikinini blong hem.
7 Tufala jiks* blong yu we kaliko i blokemI olsem haf blong grenadin.
8 Maet mi gat 60 kwinMo mi gat 80 narafala womanMo mi gat plante yangfala woman, we man i no save kaontem olgeta.+
9 Be wan nomo i olsem sotleg blong mi,+ mo i klin we i klin.
Mama blong hem i gat hem wan nomo.
Mo woman we i bonem hem, i laekem hem bitim mak.*Ol yangfala woman we oli luk hem, oli talemaot se hem i hapi.
Ol kwin mo ol narafala woman blong king, oli stap presem hem.
10 ‘?Hu ya woman ya we i saen* olsem eli moning,Mo i naes olsem ful mun,Mo i klin olsem laet blong san,Mo taem mi luk hem, mi sek olsem we mi sek long ol ami we oli stanap raon long flaeg blong olgeta?’”+
11 “Mi godaon long garen blong ol tri blong nat,+Blong luk ol niufala gru blong ol tri long krik,*Blong luk sipos rop blong grep i gru* finis,Mo sipos ol tri blong grenadin oli putum flaoa finis.
12 Samting we mi wantem tumas* i tekem mi mi goLong ol jariot blong ol haeman blong mi,*Be biaen nomo mi jes luksave.”
13 “!Yu kambak, yu kambak, O woman Sulam!!Yu kambak, yu kambak,Blong mifala i save luk yu!”“?From wanem yufala i stap lukluk woman Sulam ya?”+“!Hem i olsem tu grup blong ol man we oli stap danis!”*
Ol futnot
^ NT: “Naesfala Taon.”
^ NT: “saed blong hed.”
^ PT: “i luk se fasin blong hem i klin.”
^ PT: “luklukdaon.”
^ NT: “i gat ol niu sut.”
^ NT: “Sol blong mi.”
^ NT: “ol man blong mi we oli glad nomo blong givhan long narafala.”
^ NT: “olsem danis blong Mahanaem.”
