“I gat taem i stap kam”

Hemia taem blong yumi

‘Hil ya we haos blong Jehova i stap long hem’

Tru wosip we i hae moa long ol narafala fasin blong wosip

“Ol man blong ol narafala kantri bambae oli . . . kam long hem”

Olgeta we oli mekem tru wosip oli joen gud wanples

“Yufala i kam. Yumi go antap long hil [blong Jehova]”

Ol man blong mekem tru wosip oli singaot ol narafala man tu blong oli joen

‘Hem i tijim yumi long ol fasin we hem i wantem, nao yumi folem’

Jehova i yusum Baebol blong tijim yumi, mo blong givhan long yumi blong folem ol rod blong hem

“Neva bambae oli save mekemrere bakegen blong go mekem faet”

Aesea i talem se bambae oli tanem ol tul blong faet oli kam tul blong wokem garen. Hemia i soemaot se ol man blong Jehova oli traehad blong gat pis wetem ol man. ?Ol tul ya oli olsem wanem long taem blong Aesea?

“Ol naef blong faet . . . oli kam aean blong digim graon”

Aean blong digim graon, hemia aean blong plao, we buluk i pulum blong brekem graon.—1Sa 13:20

“Ol spia . . . oli kam huknaef”

Huknaef hem i wan naef we oli yusum blong katemaot han blong ol rop.—Aes 18:5