?FROM WANEM I IMPOTEN? Sipos man i wantem mekem wosip long fasin we Jehova i glad long hem, hem i mas lanem ol rul blong Baebol mo folem. (Aes 2:3, 4) Seken buk we man i stadi long hem, ‘God i Lavem Yu,’ i givhan long hem blong i folem ol rul blong Baebol long laef blong hem. (Hib 5:14) Taem yumi tijim hem, yumi mas traehad blong kasem hat blong hem. Olsem nao, bambae hem i wantem jenisim laef blong hem.—Rom 6:17.

?YU MEKEM OLSEM WANEM?

• Yu rere gud mo yu tingbaot nid blong studen. Yu askem ol kwestin blong save tingting mo filing blong hem long samting we hem i lanem.—Pro 20:5; be pej 259

• Yu yusum ol bokis blong mekem hem i luksave se, taem yumi folem ol rul blong Baebol, laef blong yumi i gud moa

• Long samting we i no gat loa blong hem long Baebol, yu mekem hem i tingting gud long ol advaes, be yu no mekem desisen blong hem.—Ga 6:5

• Long kaen fasin, yu faenemaot sipos hem i nidim help blong folem sam rul blong Baebol. Yu pulum hem blong i jenisim fasin blong hem from we hem i lavem Jehova.—Pro 27:11; Jon 14:31