Hop i olsem wan angka. (Hib 6:19) Hem i halpem yumi blong fren gud wetem Jehova, taem yumi fesem ol trabol we i olsem bigfala wef blong solwota. (1Ti 1:18, 19) Ol bigfala wef ya, hemia ol samting olsem, man i no glad, i lusum evri samting, i kasem wan sik we i stap longtaem, wan famle i ded, o wan nara trabol we i pulum man blong i lego Jehova.

Bilif mo hop i save halpem yumi blong tingbaot ol gudfala promes long fiuja. (2Ko 4:16-18; Hib 11:13, 26, 27) Taswe, nating se yumi gat hop blong laef long heven o long wol, yumi mas gohed blong tingting dip long ol promes blong God, blong mekem se hop ya i stap strong oltaem. Nao taem yumi kasem trabol, be bambae yumi no harem nogud.—1Pi 1:6, 7.

LUKLUK VIDEO YA GLAD LONG HOP YA, MO ANSAREM OL KWESTIN YA:

• ?From wanem yumi mas folem eksampol blong Moses?

• ?Wanem wok blong wan hed blong famle?

• ?Famle i save tokbaot wanem long taem blong Famle Wosip?

• ?Olsem wanem hop i save givhan long yu taem yu fesem ol trabol?

• ?Wanem samting we yu wantem se i kamtru long fiuja?