FROM WANEM I IMPOTEN: “Ol tingting blong man i olsem wota long wel, we i godaon we i godaon.” Taswe ol kwestin oli olsem wan baket we i pulumaot wota. (Pro 20:5) Ol kwestin oli pulum man blong i toktok. Hemia i save givhan long yu, blong yu kasem save long tingting blong man. Jisas i askem ol gudfala kwestin. ?Olsem wanem yumi save folem fasin blong hem?

?OLSEM WANEM BLONG MEKEM?:

• Askem kwestin blong save tingting blong man. Jisas i askem ol kwestin blong save tingting blong ol disaepol blong hem. (Mt 16:13-16; be pej 238 haf 3-5) ?Wanem ol kwestin we yu save askem?

• Askem kwestin we i lidim man blong kasem save. Blong stretem tingting blong Pita, Jisas i askem sam kwestin mo i letem Pita i jusum weswan hem i ting se i stret. (Mt 17:24-26) ?Wanem ol kwestin we yu save askem?

• Talem gudfala toktok taem man i ansa. Taem wan tija i givim ansa ‘we i waes,’ Jisas i talem gudfala toktok long hem. (Mk 12:34) ?Yu save talem wanem gudfala toktok taem man i ansa?

WAJEM FAS HAF BLONG VIDEO YA YU MEKEM WOK WE JISAS I MEKEM—TIJ, MO ANSAREM OL KWESTIN YA:

• ?From wanem brata i no tij gud, nating se ol save we hem i givim oli stret?

• ?From wanem i no naf blong eksplenem nomo ol save?

WAJEM SEKEN HAF BLONG VIDEO MO ANSAREM OL KWESTIN YA:

• ?Wanem ol gudfala kwestin we brata i askem?

• ?Wanem sam narafala fasin blong hem we yu save folem?