LAEF BLONG OL KRISTIN
Gohed Blong Stanap Strong Mo Wet
?Yu yu stap wet longtaem finis blong Kingdom i kam? ?Yu yu stap gohed blong stanap strong nating se i gat trabol? (Ro 8:25) Long sam ples, ol man oli no laekem nating ol Witnes, oli mekem i nogud long olgeta, oli putum olgeta long kalabus o maet oli kilim olgeta i ded. Mo plante narafala oli gat ol strong sik o oli kam olfala.
?Wanem i save givhan long yumi blong wet, nating se i gat trabol? Yumi mas gohed blong ridim Baebol mo tingting dip blong mekem bilif blong yumi i strong. Yumi mas putum tingting blong yumi stap strong long hop blong yumi. (2Ko 4:16-18; Hib 12:2) Yumi mas prea strong mo askem tabu spirit blong Jehova. (Lu 11:10, 13; Hib 5:7) Hem bambae i mekem se yumi ‘naf blong stanap strong long olgeta samting, mo blong yumi gat longfala tingting mo yumi glad.’—Kol 1:11.
WAJEM VIDEO YA YUMI MAS ‘STANAP STRONG MO RON’—HOLEM STRONG TINGTING BLONG KASEM PRAES, MO BIAEN YU ANSA LONG OL KWESTIN YA:
-
?Wanem ol ‘samting we yumi no tingbaot,’ we oli save hapen long laef? (Pri 9:11, NW)
-
?Olsem wanem prea i givhan long taem blong trabol?
-
Sipos yumi no moa mekem plante long wok blong Jehova, ?from wanem yumi mas tingbaot samting we yumi naf blong mekem yet?
-
Yu mas tingbaot praes ya
?Wanem i givhan long yu blong gat strong tingting blong kasem praes?
