?FROM WANEM I IMPOTEN?: Ol man oli mas singaot long nem blong Jehova blong oli save sef. (Ro 10:13, 14) Be i no evri man we oli stadi Baebol we oli wantem folem samting we oli lanem. Yumi mas yusum gud taem blong yumi, blong givhan long ol man we oli wantem mekem Jehova i glad. Sipos wan Baebol stadi i no gohed gud, i waes blong stopem stadi, mo yusum taem blong yumi blong halpem olgeta we Jehova i stap pulum olgeta i kam long ogenaesesen blong hem. (Jon 6:44) Sipos long fiuja man ya i mekem sam jenis mo i soemaot se hem i “stret blong kasem laef we i no save finis,” yumi save stadi Baebol wetem hem bakegen.—Wok 13:48.

?OLSEM WANEM BLONG MEKEM?:

• Talem tangkiu long hem from we hem i wantem kasem save long trutok.—1Ti 2:4

• Talem from wanem i impoten we hem i folem ol samting we hem i lanem.—Lu 6:46-49

• Long kaen fasin yu tokbaot parabol blong man we i sakem sid, mo askem wanem i blokem hem blong i no gohed gud.—Mt 13:18-23

• Talem stret long hem from wanem yu mas stopem stadi

• Talem long hem se bambae yu gohed blong visitim hem blong leftemap tingting blong hem, mo sipos hem i mekem sam jenis, stadi i save gohed bakegen

WAJEM VIDEO, MO ANSAREM OL KWESTIN YA:

• ?Wanem i soemaot se studen i no gohed gud?

• ?Olsem wanem pablisa i givhan long Baebol stadi, blong i kasem save se hem i mas mekem sam jenis?

• ?Pablisa i mekem wanem blong soemaot se stadi i save gohed bakegen long fiuja?