?Wanem ol samting we yu stap fesem evri dei? ?Yu yu wan hed blong famle we yu gat plante wok? ?Yu wan singel perens we yu traehad blong sapotem famle blong yu? ?Yu wan yangfala we ol fren long skul oli stap jikim yu? ?Yu stap siksik o kam olfala? Yumi evriwan i stap fesem hadtaem. Plante Kristin oli fesem fulap traem long semtaem. Be yumi save se i no longtaem bambae yumi kam fri long ol traem ya.—2Ko 4:16-18.

Be go kasem taem ya, yumi glad from yumi save se Jehova i kasemsave long ol hadtaem we yumi fesem, i tinghae long fasin blong yumi blong stanap strong, mo bambae i blesem yumi. (Jer 29:11, 12) Jisas tu i intres long yumi. Taem yumi mekem gud Kristin wok blong yumi, hem i promes se: “Mi mi stap wetem yufala oltaem.” (Mt 28:20) Taem yumi tingting dip long fasin fri ya we Kingdom blong God bambae i mekem, hop blong yumi i kam strong moa, mo yumi naf blong stanap strong long traem we yumi fesem tede.—Ro 8:19-21.

WAJEM VIDEO YA BIGFALA TRABOL I STAP KAM—OLTAEM YU MAS LUK LONG JISAS, BIAEN ANSA LONG OL KWESTIN YA:

• ?Wanem i mekem se ol man oli stap longwe long God, mo wanem i kamaot from?

• ?Wanem fiuja blong olgeta we oli holemstrong long Jehova?

• ?Olsem wanem gudfala fiuja ya i save kamtru?

• ?Wanem ol blesing we yu yu wet blong luk long niufala wol?