Olsem we Jehova i oganaesem ol man Isrel bifo, tede tu hem i oganaesem ol man blong hem blong oli mekem wil blong hem. Raon long wol, ol branj ofis, ol seket, ol kongregesen, mo ol grup blong prij, oli wok tugeta blong talemaot gud nius. Yumi prij long eni man, hemia i minim tu olgeta we oli toktok defren lanwis.—Re 14:6, 7.

?Yu yu stap tingting blong lanem wan narafala lanwis blong halpem ol man blong oli save trutok? Nating se yu no gat taem blong lanem wan niufala lanwis, yu save yusum JW Language app blong lanem ol simpol fastok. Taem yu yusum ol fastok ya long wok blong prij, bambae yu kasem semfala glad ya we ol fas Kristin oli kasem, taem ol man blong narafala kantri oli sapraes tumas blong harem we oli tokbaot “ol bigbigfala wok blong God” long prapa lanwis blong olgeta.—Wok 2:7-11.

WAJEM VIDEO YA KAM FREM BLONG JEHOVA—PRIJ LONG WAN DEFREN LANWIS, BIAEN ASNA LONG OL KWESTIN YA:

• ?Wetaem yu save yusum JW Language app?

• ?Wanem sam samting we yu save faenem insaed long app ya?

• ?Ol man long teritori blong yu oli toktok wanem lanwis?

• ?Yu mas mekem wanem sipos man we i intres long mesej blong Kingdom i toktok wan defren lanwis?—od 94-95 ¶39-41