Baebol i talemaot finis se Setan bambae i spolem yumi, blong traem stopem yumi long wok blong prij. (Jon 15:20; Re 12:17) ?Olsem wanem? ?Yumi save halpem ol brata mo sista long ol narafala kantri, we ol man oli stap spolem olgeta? Yes yumi save prea from olgeta. Baebol i talem se: “Taem we stret man i prea, prea blong hem i gat paoa, mo i save karem plante frut.”—Jem 5:16.

?Bambae yumi talem wanem long prea blong yumi? Yumi save askem long Jehova blong i givhan long ol brata mo sista ya, blong oli gat strong tingting mo blong oli no fraet. (Aes 41:10-13) Yumi save prea tu from ol haeman blong oli letem yumi gohed blong prij. Long rod ya, “bambae yumi stap gud, yumi gat pis.”—1Ti 2:1, 2.

Taem ol man oli spolem Pol mo Pita, ol fas Kristin oli prea from tufala mo oli talem nem blong tufala. (Wok 12:5; Ro 15:30, 31) Tede, sipos yumi no save nem blong olgeta ya we oli kasem trabol, be i gud yumi talem nem blong kongregesen, o kantri, o ples blong olgeta.