?From wanem yu no mas fraet blong talemaot klia ol tingting blong yu long perens blong yu? (Pro 23:26) From we Jehova i givim wok ya long tufala blong lukaot gud long yu mo lidim yu. (Sam 127:3, 4) Be bambae i had blong tufala i halpem yu, sipos yu no talemaot ol tingting mo wari blong yu long tufala. Mo tu, bambae yu no save lanem samting from ekspiriens blong tufala. ?Be i rong blong no talemaot sam samting? Nogat. Be yu mas lukaot se yu no stap haedem wan nogud samting.—Pro 3:32.

?Olsem wanem yu save toktok long perens blong yu? Traem jusum wan taem we i stret long yu mo tufala. Sipos i no posibol, yu save raetem wan leta long tufala blong talemaot ol filing blong yu. ?Be olsem wanem sipos tufala i wantem tokbaot wan samting wetem yu we yu yu no wantem tokbaot nating? Tingbaot se tufala i rili wantem halpem yu. Yu mas luk perens blong yu olsem fren blong yu, be i no ol enemi blong yu. Taem yu traehad blong toktok wetem ol perens blong yu, hemia bambae i givhan bigwan long yu long ful laef blong yu.—Pro 4:10-12.

WAJEM VIDEO YA LAEF BLONG WAN YANGFALA—?OLSEM WANEM MI SAVE TOKTOK WETEM PAPA MO MAMA? BIAEN ANSA LONG OL KWESTIN YA:

• ?Esta mo Partik i luksave wanem long saed blong tufala wan?

• ?Yu save lanem wanem long eksampol blong Jisas?

• ?Olsem wanem perens blong yu i soemaot se oli kea long yu?

• ?Wanem ol vas blong Baebol we oli save halpem yu blong toktok wetem perens blong yu?