Tok blong God i save jenisim laef blong yumi. (Hib 4:12) Be sipos yumi wantem se Baebol i lidim yumi, i soemaot rod, mo i stretem yumi, yumi mas bilif fulwan se hem i “tok blong God.” (1Te 2:13) ?Olsem wanem blong mekem bilif blong yumi long Baebol i strong moa?

Ridim Baebol evri dei. Taem yu stap ridim Baebol, traem faenem pruf se Jehova nao i Stamba blong hem. Olsem nao, taem yu ridim ol advaes long Ol Proveb, traem luksave olsem wanem oli stret long laef blong yumi tede.—Pro 13:20; 14:30.

Statem wan stadi projek. Kasemsave gud long ol samting we i pruvum se Baebol i kamaot long God. Long Buk Blong Mekem Risej, yu save luk long topik ya “Baebol” mo aninit long hem “Kamaot Long God.” Mo tu, sipos yu stadi long Apendiks A3 long Baebol Long Niu Wol Translesen, yu save mekem bilif blong yu i strong se ol tok blong Baebol i no jenis.

WAJEM VIDEO YA ?FROM WANEM YUMI BILIF . . . LONG TOK BLONG GOD?, MO ANSAREM OL KWESTIN YA:

• ?Olsem wanem stonwol blong wan tempol long Karnak, Ijip, we ol man blong digim graon oli faenem, i pruvum se Tok blong God i tru?

  Your answer

• ?Olsem wanem yumi save se bigfala tingting blong Baebol i no jenis?

  Your answer

• Baebol i stap yet tede. ?Olsem wanem samting ya i pruvum long yu se Baebol i Tok blong God? —Ridim Aesea 40:8

  Your answer