?From wanem yumi mas rere naoia? Trabol long saed blong helt i save kamaot wantaem nomo, mo i no gat woning se yu mas go long hospital. Taswe, yumi mas tekem aksen bifo we i gat wan emejensi, blong rerem ol samting we oli save halpem yu blong kasem beswan tritmen. Taem yu mekem olsem, yu soem respek long laef mo long loa blong Jehova long saed blong blad.—Wok 15:28, 29.

?Yu save mekem wanem blong rere?

• Prea fastaem, mo biaen yu fulumap DPA kad (durable power of attorney). a Ol pablisa we oli baptaes oli save kasem kad ya long brata we i lukaot long ol buk, mo oli save kasem tu wan Identity Card (ic) blong ol smol pikinini blong olgeta

• Sipos yu gat bel, askem long ol elda blong oli givim Information for Expectant Mothers (S-401). Save ya bambae i halpem yu blong mekem ol gudfala desisen taem yu gat bel mo yu bonem pikinini

• Sipos yu mas go slip long hospital from wan sik o oli mas katem yu, maet problem blong blad transfusen i kamaot. Taswe i gud blong talem long ol elda fastaem, mo tu, talem long hospital se yu wantem we wan minista blong ol Witnes blong Jehova i kam visitim yu

?Olsem wanem ol elda oli save givhan? Oli save givhan long yu blong fulumap DPA kad. Be ol elda bambae oli no mekem desisen long ples blong yu, o talemaot tingting blong olgeta long samting we yu wan yu mas jusum. (Ro 14:12; Ga 6:5) Taem yu talem long ol elda se maet yu fesem wan problem long saed blong blad, bambae oli talemaot kwiktaem long Komiti Blong Toktok Wetem Dokta (KTD).

?Olsem wanem KTD i save givhan? Ol brata long KTD oli kasem trening, blong halpem ol dokta mo loea blong kasemsave long bilif blong yumi long saed blong blad. Oli storian wetem olgeta long ol narafala tritmen we i no nidim blad. Sipos i gat nid, oli save givhan long yu blong faenem wan dokta we i respektem bilif blong yumi long blad.

WAJEM VIDEO YA MEKEM OL DESISEN BLONG TRITMEN LONG SAED BLONG BLAD, MO ANSAREM KWESTIN YA:

• ?Olsem wanem video ya i halpem yu blong rere from wan bigfala trabol long saed blong helt?

  Your answer