9:62

Sipos man we i stap brebrekem graon i wantem mekem wan stret laen blong planem ol kakae, hem i no mas lukluk i gobak biaen. Long sem fasin, wan Kristin i no mas letem wan samting i pulum hem blong gobak long ol samting blong wol we hem i lego finis.—Fil 3:13.

Taem yumi kasem trabol, i isi blong tingbaot se ‘bifo, laef i gud,’ maet bifo we yumi kam long trutok. Taem yumi mekem olsem, yumi stap ting se ol trabol we yumi kasem bifo oli no strong mo bifo yumi glad moa. Hemia nao samting we ol man Isrel oli mekem afta we oli aot long Ijip. (Na 11:5, 6) Be ol tingting olsem oli save mekem yumi foldaon mo gobak long olfala laef blong yumi. !Taswe i moa gud yumi tingbaot ol blesing we yumi stap kasem naoia mo glad we bambae yumi kasem long fiuja, aninit long Kingdom!—2Ko 4:16-18.