KAMGUD MOA LONG WOK BLONG PRIJ | KASEM MOA GLAD LONG WOK BLONG PRIJ
Soem Se Yu Kasem Save Filing Blong Man
Kasem save filing blong narafala i minim se man i naf blong kasemsave tingting, filing, fasin, mo nid blong narafala. I isi nomo blong man i haremsave se yumi kasem save long hem mo yumi wantem halpem hem. Taem yumi soem se yumi kasem save filing blong ol man long teritori, yumi stap soemaot lav blong Jehova, mo hemia i save pulum olgeta oli kam long hem.—Fil 2:4.
I impoten we yumi soem se yumi kasem save long filing blong man. Yumi mekem olsem tru long fasin blong yumi blong toktok, lesin, mo muvum bodi. Yumi soem se yumi kasem save filing blong man, taem yumi intres long olgeta. Yumi tingbaot samting we man i intres long hem, bilif blong hem, mo samting we i hapen long laef blong hem. Yumi rere blong givhan mo givim save we hem i nidim, be yumi no fosem hem blong i jenis. Taem narafala i letem blong yumi halpem olgeta, yumi glad moa long wok blong prij.
WAJEM VIDEO YA GLAD LONG WOK BLONG MEKEM DISAEPOL—KAM GUD MOA—SOEM SE YU KASEM SAVE FILING BLONG MAN, BIAEN ANSA LONG OL KWESTIN YA:
-
?Olsem wanem Neeta i soem se i kasem save long Jade taem hem i kam let?
-
?Olsem wanem Neeta i soem se hem i kasem save, taem Jade i talem se hem i no save stadi?
-
Man i kam klosap long Jehova, taem yumi soem se yumi kasem save long hem
?Olsem wanem Neeta i soem se i kasem save, taem Jade i talem se hem i no kaen ya we i gat gudfala plan?
