Ol brata oli wok had blong rerem ol fastok, mo plante pablisa oli luk se oli wok gud long teritori blong olgeta. Be from we raon long wol situesen blong ol kantri i no sem mak, ol pablisa oli fri blong jusum fasin blong olgeta blong prij o yusum wan defren topik we i stret moa long ol man ples blong olgeta. Nating se i olsem, taem i gat wan spesel kampen, yumi evri wan i mas folem ol instraksen we yumi kasem. Mak blong yumi i blong mekem wok ya we Jisas i askem yumi blong mekem, hemia blong talemaot gud nius blong Kingdom.—Mt 24:14.

Taem ol pablisa oli gat wan tok blong mekem, oli mas yusum fastok we i stap long Kristin Wok Mo Laef Miting Wokbuk. Nating se i olsem, ol pablisa oli save jusum blong yusum wan defren kwestin, vas, kwestin blong nekis taem, o ples we oli prij long hem, we bambae i wok gud long teritori blong olgeta. Hemia i jenisim wanem we i kamaot long miting wokbuk blong Jun 2020 long pej 8.