Blong lego ples blong yu mo muv i go long wan niufala ples blong mekem moa long wok blong prij, yu nidim blong gat bilif. (Hib 11:8-10) Sipos yu stap tingting blong muv i go long ples we i gat moa nid, i gud yu toktok wetem ol elda blong yu. ?Olsem wanem blong save sipos hemia i wan gudfala mak we yu save putum, mo jusum ples we bambae yu go long hem? Yu save ridim ol buk blong yumi we oli tokbaot wok blong prij long ol ples we i gat nid. Storian wetem olgeta we oli bin muv i go blong givhan long wan narafala kongregesen. (Pro 15:22) Prea mo askem Jehova blong i lidim yu. (Jem 1:5) Faenemaot moa save long saed blong ples we yu wantem muv i go long hem, mo sipos i posibol, yu save go visitim ples ya blong sam dei bifo we yu mekem desisen.

WAJEM VIDEO YA GO INSAED LONG DOA BLONG MEKEM MOA WOK WETEM BILIF—MUV I GO LONG PLES WE I GAT NID, BIAEN ANSA LONG OL KWESTIN YA:

• ?Wanem ol jenis we Gabriel i mas mekem, mo wanem i halpem hem?