LAEF BLONG OL KRISTIN
Oli Wok Had Blong Givhan Long Yumi
Ol eria elda mo waef blong olgeta, oli wok had blong soem lav long yumi. Olsem yumi, olgeta tu oli gat prapa nid blong olgeta, mo samtaem oli kam taet, tingting i foldaon, mo oli wari. (Jem 5:17) Nating se i olsem, taem oli visitim ol kongregesen, oli fokas moa blong leftemap tingting blong ol brata mo sista. Taswe, i stret nomo we ol eria elda oli kasem “bigfala ona.”—1Ti 5:17.
Taem aposol Pol i plan blong go visitim kongregesen long Rom mo “givim wan presen we i kam long God,” hem i stap tingbaot olsem wanem ‘bilif blong olgeta i save leftemap tingting blong hem.’ (Ro 1:11, 12) ?Yu yu tingbaot olsem wanem yu save leftemap tingting blong eria elda mo waef blong hem sipos hem i mared?
WAJEM VIDEO YA LAEF BLONG WAN ERIA ELDA AOTSAED LONG TAON, BIAEN ANSA LONG OL KWESTIN YA:
-
?Olsem wanem ol eria elda mo waef blong olgeta oli soemaot se oli lavem kongregesen?
-
?Wanem gudfala samting we yu kasem from ol traehad blong olgeta?
-
?Olsem wanem yumi save leftemap tingting blong olgeta?
