Olgeta we oli wantem stap aninit long Kingdom blong God, oli mas save evri samting long saed blong Kingdom ya, mo wanem ol samting we Kingdom ya i mekem. ?From wanem? Hemia bambae i mekem bilif blong olgeta i strong se Kingdom blong God i stap rul, be i no hemia nomo, i pulum olgeta tu blong talemaot gud nius blong Kingdom long ol narafala. (Sam 45:1; 49:3) Taem yu wajem video ya Kingdom i Rul 100 yia Finis mo i Gohed Yet, yu traem faenem ansa blong ol kwestin ya:

1. ?From wanem “Photo-Drama of Creation” i wan blesing blong olgeta we oli luk?

2. ?Oli yusum radio olsem wanem blong talemaot gud nius long ol man?

3. ?Wanem sam narafala rod we oli yusum blong talemaot gud nius, mo wanem frut i kamaot from?

4. ?Olsem wanem trening we oli kasem blong prij, i kam gud moa long ol yia we i pas?

5. ?Wanem ol trening we ol studen blong Gilead oli kasem?

6. ?Olsem wanem ol asembli oli tijim ol man blong Jehova?

7. ?Wanem i pruvum se Kingdom blong God i stap rul?

8. ?Olsem wanem yumi soemaot se yumi sapotem Kingdom ya?