Jisas i soem wan gudfala eksampol long yumi, speseli taem yumi fesem ol traem o fasin agens. (1Pi 2:21-23) Ol man oli tok nogud long Jisas, be hem i neva givimbak, hem i stap kwaet nomo nating se hem i safa bigwan. (Mk 15:29-32) ?Wanem i halpem hem blong stanap strong? Hem i wantem mekem samting we Jehova i wantem. (Jon 6:38) Mo tu, hem i tingbaot “glad we bambae hem i kasem.” ​—Hib 12:2.

?Yumi mekem wanem taem ol man oli mekem i nogud long yumi from bilif blong yumi? Ol tru Kristin oli “no mas givimbak” sipos man i mekem i nogud long olgeta. (Ro 12:14, 17) Olsem Jisas, taem yumi stanap strong long ol traem, yumi save haremgud from we God i glad long yumi. —Mt 5:10-12; 1Pi 4:12-14.

WAJEM VIDEO YA NEM BLONG JEHOVA I MOA IMPOTEN, BIAEN YU ANSA LONG OL KWESTIN YA:

• ?Olsem wanem Sista Poetsinga i yusumgud taem blong hem nating se hem i stap hem wan long kalabus?

• ?Wanem ol traem we Brata mo Sista Poetsinga i stanap strong long hem taem oli stap long ol rabis kalabus?

• ?Wanem i halpem tufala blong stanap strong?