LAEF BLONG OL KRISTIN
Fren Long Intenet—Kamaot long Denja We i Stap
?FROM WANEM I IMPOTEN?: Intenet i olsem wan tul we i save givhan long man mo i save spolem man. Sam Kristin oli jusum blong no fren wetem ol narafala long intenet. Sam narafala oli yusum intenet blong toktok wetem ol famle mo fren we oli stap longwe long olgeta. Be Setan i wantem se yumi yusum intenet long rod we bambae i spolem fasin fren blong yumi wetem Jehova. Taswe, olsem Jisas, yumi save yusum ol rul blong Baebol blong luksave ol denja we i stap mo kamaot long olgeta. —Lu 4:4, 8, 12.
DENJA WE YU MAS KAMAOT LONG HEM:
-
Spenem tumas taem long intenet o sosol media. Hemia i save kakae taem we yumi nidim blong mekem ol samting long saed blong spirit
Rul blong Baebol: Ef 5:15, 16; Fil 1:10
-
Lukluk ol samting we oli no stret. Fasin blong lukluk ol pija we oli no stret, i save lidim man blong wantem lukluk ol rabis pija long saed blong seks. Taem man i ridim ol toktok we ol apostasi oli postem, hemia i save spolem bilif blong hem
-
Postem ol komen o foto we oli no stret. Hat blong man i save trikim man, taswe wan man i save trikim narafala taem hem i postem ol komen o foto we oli no stret. Samting ya i save spolem gudfala fasin blong wan man, mo i save spolem bilif blong hem
WAJEM VIDEO YA YU MAS WAES TAEM YU GAT OL FREN LONG INTENET, BIAEN YU TOKBAOT ROD BLONG BLOKEM SAMTING WE OL PIJA YA OLI SOEM:
