KAMGUD MOA LONG WOK BLONG PRIJ
Kamgud Moa Long Wok Blong Prij
?FROM WANEM I IMPOTEN? Ol fastok long buk blong miting oli blong givim sam tingting long yu nomo. I gud yu yusum prapa toktok blong yu. Maet yu wantem yusum wan narafala fastok, no maet yu harem se long ples blong yu, i moa gud yu tokbaot wan defren samting. Sipos i olsem, yu save folem ol advaes long pej ya blong wokem wan fastok blong yu. Be fastaem, i gud yu ridim magasin, mo yu luk ol fastok long buk ya, mo yu lukluk video blong ol fastok ya.
?YU MEKEM OLSEM WANEM?
Yu tingbaot se: ‘?Mi mi wantem yusum wan long ol fastok long buk ya?’
YES
-
Yu tingbaot fas samting we bambae yu talem. Yu talem halo, mo yu talem klia se yu kam from wanem. (Olsem: “Mi mi kam luk yu from we . . . ”)
-
Yu tingbaot samting we bambae yu talem afta we yu askem kwestin, blong pulum man blong lukluk wan vas, mo samting we bambae yu talem blong soemaot magasin. (Blong go long vas, maet yu talem se: “Ansa blong kwestin ya i stap long vas ya.”)
NO
-
Yu jusum wan haf blong magasin we yu intres long hem mo i stret long ples blong yu
-
Yu tingbaot wan kwestin we bambae i pulum man blong talemaot tingting blong hem mo storian, be i no wan kwestin we i had tumas mo i mekem man i sem. (Maet yu yusum ol kwestin long pej 2 blong magasin.)
-
Yu jusum wan vas blong ridim. (Sipos yu soemaot Wekap! maet yu no ridim wan vas, from we magasin ya i blong olgeta we oli gat smol save nomo long Baebol, no maet oli no trastem ol skul nating.)
-
Yu rerem wan sot tok blong eksplenem long ol man olsem wanem magasin bambae i givhan long olgeta
NOMATA SE I OLSEM WANEM
-
Yu rerem wan kwestin blong ansa long hem nekis taem
-
Yu raetem daon samting we yu wantem talem nekis taem, blong yu no fogetem
