25:1-12

Parabol blong ol ten yang gel we Jisas i talem i stret long ol tabu Kristin, be tok ya i go tu long evri Kristin. (w15 15/3 pej 9-14) “Yufala i mas gohed blong lukaot gud, from we yufala i no save dei mo aoa blong hem.” (Mt 25:13) ?Yu yu save eksplenem parabol blong Jisas?

• Man we i jes mared (vas 1)—Jisas

• Ol waes yang gel we oli rere gud (vas 2)—Ol tabu Kristin we oli rere gud blong mekem wok blong olgeta mo oli saenaot olsem ol laet gogo kasem en (Fil 2:15)

• Wan man i singaot se: “!Man ya we i jes mared i kam!” (vas 6)—Taem we Jisas bambae i kam

• Ol yang gel we oli no waes (vas 8)—Ol tabu Kristin we oli goaot blong mitim man we i jes mared, be oli no lukaotgud mo oli no moa holemstrong

• Ol yang gel we oli waes oli no wantem serem oel blong olgeta (vas 9)—Afta long bigfala trabol, bambae i let tumas blong ol gudfala tabu Kristin oli givhan long olgeta we oli no moa holemstrong

• “Man we i jes mared i kamtru” (vas 10)—Jisas bambae i kamtru blong jajem ol man klosap long en blong bigfala trabol

• Ol yang gel we oli waes oli go insaed long ples blong kakae blong mared, mo ol man oli sarem doa (vas 10)—Jisas bambae i tekem ol gudfala tabu Kristin oli go long heven, be olgeta we oli no holemstrong bambae oli lusum blesing ya blong go long heven