?FROM WANEM I IMPOTEN?: Taem ol Baebol stadi oli rere gud, hemia i givhan long olgeta blong oli kasem save mo tingbaot samting we yumi stap tijim long olgeta. Sipos oli gohed blong kasem save mo tingbaot ol samting we oli lanem, bambae oli kwik blong gohed gud. Nating se oli baptaes finis, be oli nidim blong rerem ol miting mo wok blong prij blong mekem se oli stap “gohed blong wekap gud.” (Mt 25:13) Mo tu, taem oli save olsem wanem blong stadi mo gat wan gudfala program blong stadi, hemia bambae i givhan long olgeta long ful laef blong olgeta. Taswe long stat, yumi mas givhan gud long ol stadi blong yumi blong oli gat fasin ya blong rerem gud Baebol stadi blong olgeta.

?OLSEM WANEM BLONG MEKEM?:

• Yu soemaot gudfala eksampol. (Ro 2:21) Yu mas rerem wanwan haf folem nid blong Baebol stadi.(km 11/15 pej 3) Yu soemaot long hem olsem wanem yu makem ol haf insaed long buk blong yu

• Yu leftemap tingting blong hem blong i rere gud. Taem Baebol stadi i gohed, yu eksplenem long hem se fasin blong reregud i haf blong plan ya blong mekem Baebol stadi, mo yu tokbaot ol gudfala samting we hem i save kasem from. Yu givhan long hem blong i putum wan stret taem blong rerem stadi blong hem. Sam pablisa oli makem buk blong olgeta mo oli letem Baebol stadi i yusum buk ya long taem blong stadi. Hemia i blong givhan long Baebol stadi blong luksave gudfala samting we hem i save kasem taem hem i rere gud. Yu talem ol gudfala tok long hem taem hem i rerem stadi blong hem

• Yu soem long hem olsem wanem blong rerem stadi. Bifo long stadi, sam pablisa oli soemaot fastaem long Baebol stadi blong olgeta olsem wanem blong rerem gud wan haf