• Yu putum adres blong yu. Sipos yu ting se i no waes blong givim adres blong yu, yu save yusum adres blong kongregesen sipos ol elda oli givim raet long yu. Be, yu NEVA mas yusum adres blong branj ofis.

• Sipos yu save nem blong man, i moa gud we yu yusum.

• Yu meksua se speling mo fasin blong joenem ol wod oli stret, mo yu putum ol koma mo fulstop long stret ples. Leta blong yu i mas klin. Sipos yu yusum pen blong raetem leta, yu mas mekem i isi blong man i ridim. Ol tok we yu raetem, oli mas soem respek be i no bitim mak.

Hemia eksampol blong wan leta we i soem olsem wanem blong raetem wan leta blong prij. Yu no nid blong kopi evri toktok long leta ya. Yu save jenisim ol toktok long leta ya folem ples blong yu.