Ol pija mo ol video oli save pulum tingting blong man mo oli halpem man blong i kasem save mo i tingbaot samting we hem i lanem. Jehova i yusum ol samting olsem blong tijim ol impoten lesen. (Je 15:5; Jer 18:1-6) Mo Jisas tu i mekem sem mak. (Mt 18:2-6; 22:19-21) Long ol yia we oli jes pas, ol video oli wan nambawan rod blong halpem ol man. ?Yu yu stap yusum gud ol video blong tijim ol Baebol stadi blong yu?

Oli wokem ten video blong halpem yumi blong tijim narafala long ol haf blong buklet ya !Gud Nius We i Kamaot Long God! Wanwan video i laenap wetem wan long ol kwestin insaed long ol haf blong buklet ya. Long jw.org, bambae i gat ol link long buklet ya blong talem wetaem yumi mas soem ol video ya. Be tu, bambae i gat ol narafala video we oli joen wetem ol nara buk we yumi yusum blong mekem stadi, we oli stap long Tul Blong Tijim Man.

?Olsem wanem? ?I had blong Baebol stadi blong yu i kasem save long wan topik blong Baebol? ?Hem i stap gotru long wan hadtaem? Yu save yusum wan video long jw.org mo JW Brodkasting blong givhan long hem. I gud we yutufala tugeta i wajem mo tokbaot.

Evri manis i gat ol niufala video we oli stap kamaot. Taem yu stap wajem ol video ya, i gud yu tingbaot olsem wanem yu save yusum blong tijim narafala.