Evri yia yumi stap mekem wan spesel traehad blong invaetem ol man long teritori blong oli kam joen long Memoriol wetem yumi, mo plante long olgeta yumi no save. Mo tu, yumi mas invaetem ol man we yumi save olgeta. Ol man we oli kasem invetesen long ol fren, olgeta tu oli welkam blong kam. (yb08-E pej 11 haf 3; 14 haf 1;) ?Yu save invaetem hu?

• Ol famle

• Ol fren long wok mo long skul

• Ol neba

• Ol visit mo olgeta we oli stadi Baebol bifo mo naoia

Ol elda bambae oli invaetem olgeta tu we oli slak long saed blong spirit. ?Olsem wanem sipos wan olsem i no laef long eria blong yu? Yu save faenemaot taem mo ples blong Memoriol long eria blong hem taem yu go long jw.org mo klik long haf ya, MIFALA long hom pej, mo yu jusum “Memoriol.” Taem yu stap rere from Memoriol blong yia ya, traem tingbaot ol man we yu save singaot olgeta, mo yu go invaetem olgeta.