Jehova, “hapi God ya,” i wantem se yumi harem gud long wok blong prij. (1Ti 1:11) Bambae yumi kasem moa glad taem yumi kam gud moa long fasin blong yumi blong prij. Fasin blong askem kwestin i save pulum intres blong man mo i wan naturol wei blong statem storian. Ol kwestin oli pulum man blong i tingting mo kasemsave long poen. (Mt 22:41-45) Fasin blong askem ol kwestin mo lesin gud, i olsem we yumi stap talem se: ‘Yu yu impoten long mi.’ (Jem 1:19) Ansa we man i talem i save givhan long yumi blong mekem storian i kam gud moa.

WAJEM VIDEO YA GLAD LONG WOK BLONG MEKEM DISAEPOL—KAM GUD MOA—ASKEM OL KWESTIN, BIAEN ANSA LONG OL KWESTIN YA:

• ?Wanem sam gudfala fasin we Jade i soemaot?

• ?Olsem wanem Neeta i yusum ol kwestin blong soem se hem i intres long Jade?

• ?Olsem wanem Neeta i yusum ol kwestin blong pulum Jade blong i intres long gud nius?

• ?Olsem wanem Neeta i yusum ol kwestin blong mekem Jade i tingting mo i kasemsave long poen?