Tingting blong yumi i save foldaon taem ol trabol blong yumi oli stap longtaem. Deved i save se ol trabol we King Sol i mekem long hem bambae i gat en blong hem, mo bambae hem i kam king olsem we Jehova i bin promes. (1Sa 16:13) Bilif blong Deved i halpem hem blong gat longfala tingting mo wet long Jehova.

Taem yumi kasem trabol, maet yumi save yusum fasin luksave, save, mo fasin blong tingting gud blong jenisim situesen blong yumi. (1Sa 21:12-14; Pro 1:4) Be sam trabol bambae oli gohed nomo, nating se yumi traehad long evri rod mo folem ol rul blong Baebol blong traem jenisim. I no longtaem Jehova bambae i finisim olgeta fasin safa, mo i “ravemaot wota blong ae” blong yumi. (Re 21:4) Nating se ol trabol blong yumi oli finis from ol samting Jehova i mekem, o from wan narafala risen, be yumi sua se: Evri trabol i gat en blong hem. Save ya i leftemap tingting blong yumi.

WAJEM VIDEO YA YUMI JOEN GUD LONG WAN WOL WE I SERAOT, BIAEN ANSA LONG OL KWESTIN YA:

• ?Wanem sam trabol we ol Kristin long saot blong Yunaeted Stet oli fesem?

• ?Olsem wanem oli soemaot se oli gat longfala tingting mo lav?

• ?Olsem wanem oli gohed blong putum tingting long “ol samting we oli moa impoten”?—Fil 1:10