Wan diksonari i talem mining blong wan fren se, hem i “wan man we i joengud wetem narafala from we hem i gat filing no i tinghae long narafala.” Eksampol, Jonatan mo Deved i kam gudfala fren afta we Deved i kilim Golaeat. (1Sa 18:1) Wanwan long tufala i luk gudfala fasin blong narawan, mo hemia i pulum tufala blong kam gudfala fren. Taswe, wan strong frensip i stanap long stret save. Blong savegud wan man, hemia i had mo i tekem taem. Be long intenet, ol man oli faenem “ol fren” isi nomo. Mo from we long intenet ol man oli tingting gud bifo we oli talem wan samting mo oli save trikim ol man, i isi nomo blong oli haedem ol trufala fasin blong olgeta. Taswe i gud yu putum wan ‘limit’ long ol fren we yu gat long intenet. Sipos wan man we yu no savegud hem i askem blong fren wetem yu long intenet, yu no mas fraet blong no akseptem. From ol denja blong intenet, samfala oli jusum blong no yusum nating ol sosol netwok. Be sipos yu yu jusum blong yusum sosol netwok, ?yu mas tingbaot wanem?

WAJEM VIDEO YA YU MAS WAES TAEM YU GAT OL FREN LONG INTENET, BIAEN ANSA LONG OL KWESTIN YA:

• ?Yu mas tingbaot wanem bifo yu postem ol komen o pija?

• ?From wanem yu mas jusum gud ol fren blong yu long intenet?

• ?From wanem yu mas putum wan limit long taem we yu spenem long sosol netwok?—Ef 5:15, 16