1-7 Eprel
OL SAM 23-25
Singsing 4 Mo Prea | Opening Komen (1 min.)
1. “Jehova i Man Blong Lukaot Long Sipsip, We i Lukaot Gud Long Mi”
(10 min.)
Jehova i lidim yumi (Sam 23:1-3; w11 6/1 21 ¶3)
Jehova i lukaot gud long yumi (Sam 23:4; w11 6/1 21 ¶4)
Jehova i givim kakae long yumi (Sam 23:5; w11 6/1 21 ¶5)
Jehova i lukaot gud long ol man blong hem, sem mak olsem wan gudfala man blong lukaot long sipsip, i lukaot gud long ol sipsip blong hem.
ASKEM YU WAN SE: ‘?Olsem wanem Jehova i stap lukaot gud long mi?’
2. Ol Gudgudfala Samting
(10 min.)
-
Sam 23:3—?Wanem ya “ol rod blong stret fasin,” mo olsem wanem blong no gowe long olgeta? (w11 2/1 24 ¶1-3)
-
?Wanem sam gudfala samting we yu faenem long Baebol riding blong wik ya?
3. Baebol Riding
(4 min.) Sam 23:1–24:10 (th stadi 5)
4. Statem Wan Storian
(3 min.) TEKEM JANIS BLONG PRIJ. Tokbaot wan naesfala vas blong Baebol blong leftemap tingting blong man we i talem se hem i wari from envaeronmen. (lmd lesen 2 poen 5)
5. Gobak Visitim Man
(4 min.) HAOS WANWAN. Soem olsem wanem blong mekem Baebol stadi, long wan man we i karem buklet ya !Enjoem Laef Olwe! (lmd lesen 9 poen 3)
6. Mekem Disaepol
(5 min.) lff lesen 14 poen 4 (lmd lesen 11 poen 3)
Singsing 54
7. Yumi No Lesin Long Voes Blong Ol Strenja
(15 min.) Kwestin mo ansa.
Ol sipsip oli haremsave voes blong man we i lukaot long olgeta mo oli folem hem. Be oli ronwe taem oli harem voes blong wan strenja. (Jon 10:5) Long sem fasin, yumi lesin long voes blong Jehova mo Jisas we tufala i olsem Man Blong Lukaot Long Sipsip. (Sam 23:1; Jon 10:11) Be yumi no lesin long voes blong ol strenja we oli traem mekem bilif blong yumi i kam slak, taem oli talem ol ‘giaman tok blong switim yumi.’—2Pi 2:1, 3.
Jenesis japta tri i tokbaot faswan taem we wan strenja i toktok. Setan i yusum wan snek blong toktok long Iv, blong mekem Iv i no save se hu nao i stap toktok long hem. Hem i giaman se hem i fren blong Iv, mo i twistim ol tok blong Jehova, mo i pulum Iv blong ting se Jehova i wantem spolem hem. Sore tumas, Iv i lesin long hem, nao hemia i mekem se hem mo ol famle blong hem oli safa.
Tede Setan i traem blong mekem yumi gat tu tingting long saed blong Jehova mo oganaesesen, taem i spredem ol giaman ripot, mo ol giaman stori. !Taem yumi harem voes blong wan strenja, yumi mas ronwe! Nating se yumi wantem lesin smoltaem nomo long wan stori olsem, be hemia i denja. ?Setan i yusum hamas tok blong trikim Iv? (Je 3:1, 4, 5) ?Olsem wanem sipos wan man we yumi save, wan man we i lavem yumi mo i gat gudfala tingting, i wantem tokbaot wan nogud infomesen long saed blong oganaesesen blong Jehova?
Plei long VIDEO No Lesin Long “Voes Blong Ol Strenja.” Biaen askem se:
?Yu lanem wanem long fasin blong Jade, taem mama blong hem i wantem tokbaot wan nogud infomesen long saed blong oganaesesen blong Jehova?
8. Baebol Stadi Blong Kongregesen
(30 min.) lv japta 8 ¶1-10
