From yumi sinman, yumi mas lukaot gud blong kontrolem ol tingting blong yumi. Sipos yumi mekem eni samting we yumi wantem, Jehova bambae i no moa glad long yumi. Eksampol, samfala oli laekem moa blong gat kakae, klos, mo wan naes haos i bitim we oli lavem God. Samfala oli brekem ol rul blong God taem oli mekem rabis fasin blong seks blong harem gud long prapa filing blong olgeta. (Ro 1:26, 27) Mo sam narafala oli mekem samting we i nogud, jes blong mekem narafala i glad long olgeta.—Eks 23:2.

?Olsem wanem blong gohed blong jekem ol tingting blong yumi? Yumi mas gohed blong putum tingting blong yumi long ol samting long saed blong spirit. (Mt 4:4) Mo tu, yumi mas askem Jehova blong halpem yumi blong kontrolem ol tingting blong yumi. ?From wanem? From we Jehova i save samting we i beswan long yumi mo samting we i save mekem yumi harem gud.—Sam 145:16.

WAJEM VIDEO YA SMOK I SPOLEM LAEF BLONG MAN, BIAEN ANSA LONG OL KWESTIN YA:

• ?From wanem sam man oli smok?

• ?Smok i save mekem wanem long yu?

• ?From wanem i rong blong smokem sigaret mo yusum vaping?—2Ko 7:1

• ?Olsem wanem blong talem no long sigaret o stop blong smok?