Sistem blong wol ya i stap kam klosap long en blong hem, taswe bambae i gat plante trabol, wok blong teroris, mo ol faet. (Re 6:4) ?Olsem wanem yumi save rere from ol trabol ya?

• Rere long saed blong spirit: Faenem ol rul blong Baebol mo ol stori we oli mekem yu trastem moa Jehova mo oganaesesen blong hem, mo oli halpem yu blong no joen long wol. (Pro 12:5; jr 125-126 ¶23-24) Naoia i taem blong frengud moa wetem ol brata sista long kongregesen.—1Pi 4:7, 8

• Rere long saed blong bodi: Gat wan plan blong stap sef mo rerem ol samting we yu nidim sipos yu no save aot long haos, o sipos yu mas aot. Jekem ol samting long go bag blong yu, mo ademap ol impoten samting olsem mask, hanklaf mo mane. Save olsem wanem blong kontaktem ol elda, mo meksua se oli save olsem wanem blong kontaktem yu.—Aes 32:2; g17.5 3-7

Long taem blong trabol, gohed long program blong yu long saed blong spirit. (Fil 1:10) Stap kwaet long ples blong yu nomo, be sipos yu mas ronwe, i gud yu mekem. (Mt 10:16) Serem kakae mo ol nara samting wetem ol narafala.—Ro 12:13.

WAJEM VIDEO YA ?YU YU RERE FROM WAN DISASTA? BIAEN ANSA LONG OL KWESTIN YA:

• ?Olsem wanem Jehova i save halpem yumi long taem blong disasta?

• ?Wanem ol samting we yu save mekem blong stap rere?

• ?Olsem wanem yumi save halpem ol narafala we oli kasem disasta?