Yumi save faenem bigfala glad mo kasem gudfala frut taem yumi tekem janis blong prij. Be maet yumi save fraet blong statem storian sipos yumi stap tingting tumas olsem wanem blong talemaot wan vas blong Baebol. Bitim we yumi wari tumas long samting we yumi mas talem, yumi save soem intres long man. (Mt 22:39; Fil 2:4) Taem storian i stap gohed mo yu luk se i gat janis blong talemaot bilif blong yu, i gat plante tul we i save givhan long yu.

?Olsem wanem ol tul ya oli save givhan long yu blong prij long man we yu storian wetem?

WAJEM VIDEO YA “AEAN I SAPENEM AEAN”—STATEM STORIAN, BIAEN ANSA LONG KWESTIN YA:

?Wanem trifala rod we i save givhan long yumi blong kamgud moa blong statem storian?