6-12 Mei
OL SAM 36-37
Singsing 87 Mo Prea | Opening Komen (1 min.)
1. “Yu No Mas Harem Nogud From Ol Rabis Man”
(10 min.)
Ol rabis man oli mekem yumi harem nogud mo yumi safa (Sam 36:1-4; w17.04 11 ¶4)
Taem yumi gohed blong kros long “ol rabis man” hemia i save spolem yumi tu (Sam 37:1, 7, 8; w22.06 10 ¶10)
Taem yumi trastem ol promes blong Jehova, yumi gat pis (Sam 37:10, 11; w03 12/1 14 ¶20)
ASKEM YU WAN SE: ‘?Mi mi stap wajem o lesin oltaem long ol nius we i tokbaot ol raf fasin?’
2. Ol Gudgudfala Samting
(10 min.)
-
Sam 36:6—?Man blong raetem sam i minim wanem taem hem i tokbaot stret fasin blong Jehova se i olsem “ol bigbigfala hil [o, “olsem ol bigfala hil blong God,” fut.]”? (it-2 445)
-
?Wanem sam gudfala samting we yu faenem long Baebol riding blong wik ya?
3. Baebol Riding
(4 min.) Sam 37:1-26 (th stadi 10)
4. Statem Wan Storian
(3 min.) HAOS WANWAN. (lmd lesen 1 poen 5)
5. Gobak Visitim Man
(4 min.) TEKEM JANIS BLONG PRIJ. Askem Baebol stadi long wan man we bifo i no wantem stadi. (lmd lesen 9 poen 4)
6. Tok
(5 min.) ijwbv 45—Stamba Tok: ?Wanem Mining Blong Ol Sam 37:4? (th stadi 13)
Singsing 33
7. ?Yu Yu Rere From “Taem Blong Trabol”?
(15 min.) Kwestin mo ansa.
Raon long wol, ol man oli mekem plante trabol, mo i gat ol naturol disasta we i mekem se ol brata mo sista oli lusum plante samting blong olgeta, mo oli lusum tu sam famle long ded. (Sam 9:9, 10) Blong talem stret, “taem blong trabol” i save kam eni taem nomo. Taswe, yumi evriwan i mas rere blong fesem trabol olsem.
Antap long ol samting we yumi mekem blong stap rere long saed blong bodi, a ?wanem i save givhan long yumi blong stanap strong taem i gat wan disasta i hapen?
-
Rerem Tingting: Luksave se ol disasta oli stap hapen, mo tingbaot samting we yu save mekem sipos wan disasta i kasem yumi. Traehad blong no fas tumas long ol sas samting we yu gat. Olsem nao, taem wan disasta i hapen, bambae yu naf blong mekem waes desisen, mo tingbaot nomo blong sevem laef blong yu mo ol narafala, i bitim we yu traem sevem ol samting we yu gat. (Je 19:16; Sam 36:9) Mo hemia i save halpem yu tu afta long wan disasta, blong yu gat stret tingting mo yu no harem nogud bitim mak from ol samting we yu lusum.—Sam 37:19
-
Gohed blong mekem bilif blong yu i strong: Wokem fasin ya blong trastem Jehova se hem i naf mo i wantem tumas blong lukaot gud long yu. (Sam 37:18) Bifo we wan disasta i hapen, i gud yu tingbaot oltaem se Jehova bambae i lidim mo sapotem ol man blong hem, nating se yumi lusum evri samting be yumi sevem ‘laef blong yumi.’—Jer 45:5; Sam 37:23, 24
Taem yumi gohed blong tingbaot ol promes blong Jehova, yumi stap mekem hem i kam olsem wan ‘strong sefples blong yumi long taem blong trabol.’—Sam 37:39.
Plei VIDEO Ya ?Yu Yu Rere From Wan Disasta? Biaen askem se:
-
?Olsem wanem Jehova i save halpem yumi long taem blong disasta?
-
?Yumi save mekem wanem blong stap rere?
-
?Olsem wanem yumi save halpem ol narafala we oli kasem disasta?
8. Baebol Stadi Blong Kongregesen
(30 min.) lv japta 9 ¶22-26, bokis 109, Sam Moa Save 218-219
Klosing Komen (3 min.) |
a Yu luk Wekap! N. 5 2017, pej 4-6.
