Wan Kristin kapol we i plan blong mared, i gat plante desisen blong mekem. Maet oli harem se i had blong no mekem wan mared we i flas tumas, olsem blong ol narafala man long komuniti blong olgeta. Ol fren mo famle blong olgeta tu, oli gat prapa tingting blong olgeta long saed blong plan blong mared. ?Wanem ol advaes blong Baebol we i save givhan long wan kapol, blong oli mekem plan blong mared long wan rod we tingting blong olgeta i no stikim olgeta, mo oli no rigret?

WAJEM VIDEO YA MARED WE I GIVIM ONA LONG JEHOVA, MO BIAEN YU ANSA LONG OL KWESTIN YA:

• ?Olsem wanem ol advaes ya blong Baebol oli halpem Nik mo Juliana?

  • 1Ko 10:31

  • 1Jo 2:15, 16

  • Ga 5:19-21

  • 1Ti 2:9

• ?From wanem tufala we i wantem mared i mas jusum wan Kristin brata we i bigman long saed blong spirit blong i ‘bos long lafet’?—Jon 2:9, 10.

• ?Wanem i mekem se Nik mo Juliana i mas mekem prapa jus blong plan blong mared blong tufala?

• ?Hu i mas mekem laswan desisen long saed blong seremoni mo kakae blong mared?—w06 1/11 pej 15-16 haf 10.